Dengue Fever | സംസ്ഥാനത്ത് വീണ്ടും ആശങ്ക; പത്തനംതിട്ടയില് ഡെങ്കിപ്പനി ബാധിച്ച് യുവതി മരിച്ചു
Jun 21, 2023, 15:07 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com) സംസ്ഥാനത്തെ ആശങ്കയിലാക്കി വീണ്ടും പനി മരണം. ഡെങ്കിപ്പനി ബാധിച്ച് ചികിത്സയിലായിരുന്ന പത്തനംതിട്ട മുണ്ടുകോട്ടക്കല് സ്വദേശി അഖില (32) ആണ് മരിച്ചത്. തിരുവല്ലയിലെ സ്വകാര്യ മെഡികല് കോളജ് ആശുപത്രിയില് ചികിത്സയിലിരിക്കെയായിരുന്നു മരണം.
പത്തനംതിട്ട ജെനറല് ആശുപത്രിയില് ചികിത്സയിലായിരുന്ന യുവതിയെ രോഗം ഗുരുതരമായതോടെ കഴിഞ്ഞ ദിവസം തിരുവല്ലയിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. ഇവിടെ ചികിത്സ തുടരുന്നതിനിടയിലാണ് മരണം സംഭവിച്ചത്. കഴിഞ്ഞ ദിവസങ്ങളില് ജില്ലയില് മൂന്ന് എലിപ്പനി മരണം റിപോര്ട് ചെയ്തിരുന്നു. അതിന് പിന്നാലെയാണ് ഡെങ്കിപ്പനി മരണവും റിപോര്ട് ചെയ്തിരിക്കുന്നത്
അതേസമയം, സംസ്ഥാനത്ത് പനി കേസുകളില് വര്ധനയുണ്ടായേക്കാമെന്നും അതീവ ജാഗ്രത വേണമെന്നും ആരോഗ്യ മന്ത്രി വീണാ ജോര്ജ് കഴിഞ്ഞ ദിവസം പറഞ്ഞിരുന്നു. പനി കേസുകളില് വര്ധവ് ഉണ്ടാകുമെന്ന് മേയ് മാസത്തില് തന്നെ വിലയിരുത്തിയിരുന്നു. അതീവ ജാഗ്രത വേണമെന്നും മന്ത്രി നിര്ദേശിച്ചു.
എലിപ്പനി പ്രതിരോധ മരുന്നുകളുടെ കാര്യത്തില് വീഴ്ച്ച പാടില്ലെന്നും മന്ത്രി പറഞ്ഞു. ഡെങ്കി പനി കൂടുതല് വ്യാപിച്ച സ്ഥലങ്ങളില് പ്രത്യേക പരിശോധന നടത്തും. കൊതുകുകള് പെരുകുന്ന സാഹചര്യം ഒരിക്കലും ഉണ്ടാകരുത്. വീടുകളിലും സ്ഥാപനങ്ങളിലും മുന്കരുതല് വേണം. കോവിഡ് കേസുകളില് വര്ധനയുണ്ടായിട്ടില്ലെന്നും വീണാ ജോര്ജ് പറഞ്ഞു.
സംസ്ഥാനത്ത് ഡെങ്കിപ്പനിയ്ക്കെതിരെ അതീവ ജാഗ്രത വേണമെന്ന് ആരോഗ്യമന്ത്രി നിര്ദേശിച്ചു. കേസുകള് വര്ധിക്കുന്നതിലല്ല, മരണം ഒഴിവാക്കാനാണ് പരിശ്രമിക്കുന്നത്. എല്ലാ ജില്ലകളും പ്രതിരോധ പ്രവര്ത്തനങ്ങള് കൂടുതല് ശക്തമാക്കാന് നിര്ദേശം നല്കി. പരിശോധനകള് വര്ധിപ്പിക്കേണ്ടതാണ്.
മരണം പരമാവധി കുറയ്ക്കാനായി വിവിധ വകുപ്പുകള് ഏകോപിപ്പിച്ച് ശക്തമായ പ്രവര്ത്തനങ്ങള് നടത്തണം. മരുന്നുകളും ടെസ്റ്റ് കിറ്റുകളും സുരക്ഷാ സാമഗ്രികളും ഉറപ്പ് വരുത്തണം. ഫീല്ഡ് തല പ്രവര്ത്തനങ്ങള് ശക്തമാണെന്ന് ഉറപ്പാക്കണം. പ്രവര്ത്തനങ്ങള് ഏകോപിപ്പിക്കാന് മോനിറ്ററിംഗ് സെല് സ്ഥാപിക്കുമെന്നും മന്ത്രി കൂട്ടിച്ചേര്ത്തു.
Keywords: News, Kerala, Kerala-News, Health, Health-News, Pathanamthitta, Woman, Died, Dengue, Fever, Pathanamthitta: Woman died of dengue fever.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
