Accidental Death | കുഴല്‍ കിണര്‍ അറ്റകുറ്റപ്പണിക്കിടെ അപകടം; ചെയിന്‍ ബ്ലോക് പൊട്ടി തലയിലേക്ക് വീണ് യുവാവിന് ദാരുണാന്ത്യം
Apr 29, 2023, 09:01 IST
ADVERTISEMENT
പാലക്കാട്: (www.kvartha.com) മണ്ണാര്‍ക്കാട് കുഴല്‍ കിണര്‍ അറ്റകുറ്റപ്പണിക്കിടെ 24 കാരന് ദാരുണാന്ത്യം. ഒരാള്‍ക്ക് പരുക്കേറ്റു. ചിറക്കല്‍പ്പടി കുഴിയില്‍പ്പീടിക അമാനുല്ലയുടെയും നബീസുവിന്റെയും മകന്‍ മൊയ്തീന്‍ ആണ് മരിച്ചത്. കുഴല്‍ കിണറില്‍ അറ്റകുറ്റപ്പണി നടത്തുന്നതിനിടെ ചെയിന്‍ ബ്ലോക് പൊട്ടിവീണാണ് അപകടം
കൂടെ ഉണ്ടായിരുന്ന തെങ്കര മണലടി ആട്ടം പള്ളി രവിയുടെ മകന്‍ ശ്രീജിത്തിനെ പരുക്കുകളോടെ വട്ടമ്പലം ആശുപത്രിയില്‍ പ്രവേശിപ്പിച്ചു. വെള്ളിയാഴ്ച രാത്രി എട്ടുമണിയോടെയാണ് പ്രദേവാസികളെ ഞെട്ടിപ്പിച്ച സംഭവം നടന്നത്.
കോടതിപടി ഹാര്‍മണി അപാര്‍ട്‌മെന്റിലെ കുഴല്‍ കിണറാണ് തകരാറിലായത്. ഇത് നന്നാക്കാനെത്തിയതായിരുന്നു യുവാക്കള്‍. റിപയര്‍ ചെയ്യുന്നതിനിടെ ചെയിന്‍ ബ്ലോക് പൊട്ടി ഇരുവരുടെയും തലയില്‍ വീഴുകയായിരുന്നു. മൊയ്തീന്‍ സംഭവസ്ഥലത്തുവച്ചുതന്നെ മരിച്ചു. മൃതദേഹം ആശുപത്രി മോര്‍ചറിയിലേക്ക് മാറ്റി.
Keywords: News, Kerala-News, Kerala, News-Malayalam, Regional-News, Palakkad, Local-news, Accident, Death, Youth, Died, Injured, Treatment, Hospital, Dead Body, Palakkad-News, Palakkad: Youth met death after borewell chain block broke and fell on head.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
