Electrocuted | പാലക്കാട് പന്നിക്ക് വെച്ച കെണിയില് കുടുങ്ങി അപകടം; വൈദ്യുതാഘാതമേറ്റ് വയോധികയ്ക്ക് ദാരുണാന്ത്യം
Oct 4, 2023, 15:58 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
പാലക്കാട്: (KVARTHA) വണ്ടാഴിയില് പന്നിക്ക് വെച്ച വൈദ്യുതി കെണിയില് കുടുങ്ങി വയോധിക മരിച്ചു. വണ്ടാഴി കരൂര് പുത്തന്പുരയ്ക്കല് പരേതനായ ചാക്കോയുടെ ഭാര്യ ഗ്രേസി (63) ആണ് മരിച്ചത്. ബുധനാഴ്ച (04.10.2023) രാവിലെയാണ് സംഭവം. വയോധികയെ സ്വന്തം കപ്പത്തോട്ടത്തില് മരിച്ച നിലയില് കണ്ടെത്തുകയായിരുന്നു.
ഒറ്റക്ക് താമസിക്കുന്ന ഗ്രേസി സ്വന്തം കൃഷിയിടത്തില് പന്നിയെ പിടികൂടുന്നതിനായി കെണിവെച്ചപ്പോള് അബദ്ധത്തില് വൈദ്യുതാഘാതമേറ്റതാണെന്നാണ് പ്രാഥമിക വിവരം. വീടിനോടു ചേര്ന്നുള്ള കൃഷിയിടത്തിലാണ് മൃതദേഹം കണ്ടെത്തിയത്. രാവിലെ മീന് വില്ക്കാനെത്തിയ ആളാണ് മൃതദേഹം കണ്ടത്.
ഇന്ക്വസ്റ്റ് നടപടികള്ക്കുശേഷം മൃതദേഹം പോസ്റ്റുമോര്ടത്തിനായി പാലക്കാട് ജില്ല ആശുപത്രിയിലേക്ക് മാറ്റും. അസ്വാഭാവിക സംഭവത്തില് പൊലീസ് കേസെടുത്ത് അന്വേഷണം ആരംഭിച്ചു.
ദിവസങ്ങള്ക്ക് മുമ്പ് പാലക്കാട് കരിങ്കരപുള്ളിയില് രണ്ട് യുവാക്കള് പന്നിക്ക് വെച്ച വൈദ്യുതി കെണിയില്പെട്ട് മരിച്ചിരുന്നു. ഷിജിത്ത്, സതീഷ് എന്നീ യുവാക്കളാണ് മരിച്ചത്. പൊലീസില്നിന്ന് രക്ഷപ്പെടാന് ഓടുന്നതിനിടെയാണ് യുവാക്കള് വൈദ്യുതി കെണിയില് കുടുങ്ങിയത്.
Keywords: News, Kerala, Kerala-News, Accident-News, Regional-News, Palakkad News, Housewife, Died, Electric Shock, Electrocuted, Fisherman, Police, Palakkad: Housewife died of electric shock.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
