Award | പി ശാദുലി സ്മാരക പുരസ്കാരം എംകെ അശ്റഫിന്

 


ADVERTISEMENT

വാണിമേൽ: (www.kvartha.com)  സംസ്ഥാന തലത്തിൽ പ്രവർത്തിച്ചുവരുന്ന മുർശിദീ ഇശൽ ബിഷാറ കലാസാഹിത്യ സംഘം വർഷംതോറും നൽകി വരാറുള്ള മുർശിദീ പുരസ്കാരത്തിന് ഈ വർഷം കേരള മാപിള കലാ അകാഡമി കോഴിക്കോട് ജില്ലാ പ്രസിഡണ്ട് എംകെ അശ്‌റഫ് അർഹനായി. കലാസാംസ്കാരിക രംഗങ്ങളിലും മാധ്യമ പ്രവർത്തന രംഗത്തും നൽകിയ മികച്ച സംഭാവന പരിഗണിച്ചാണ് അശ്‌റഫിന് അവാർഡ് നൽകുന്നതെന്ന് സംഘാടക സമിതി ഭാരവാഹികൾ വടകര പ്രസ് ക്ലബിൽ വാർത്താസമ്മേളനത്തിൽ അറിയിച്ചു.
Aster_MIMS
            
Award | പി ശാദുലി സ്മാരക പുരസ്കാരം എംകെ അശ്റഫിന്

പ്രഭാഷകനും എഴുത്തുകാരനും രാഷ്ട്രീയ നേതാവും ആയിരുന്ന പി ശാദുലിയുടെ സ്മരണക്കാണ് ഇത്തവണ പുരസ്കാരം നൽകുന്നത്. മാപിള കവികളായ എംഎച് വള്ളുവങ്ങാട്, ഒഎം കരുവാരക്കുണ്ട്, മൊയ്തു മാസ്റ്റർ വാണിമേൽ, ശാദുലിയുടെ മകൻ പി മുനീർ മാസ്റ്റർ എന്നിവരടങ്ങിയ ജൂറിയാണ് അവാർഡ് ജേതാവിനെ തെരഞ്ഞെടുത്തത്. 10001 രൂപയും പ്രശസ്തി പത്രവും ഫലകവും അടങ്ങുന്ന അവാർഡ് ഈ മാസം 24ന് നാദാപുരം കക്കംവെള്ളിയിൽ നടക്കുന്ന ചടങ്ങിൽ പാണക്കാട് സയ്യിദ് ബശീർ അലി ശിഹാബ് തങ്ങൾ സമ്മാനിക്കും.

രണ്ടര പതിറ്റാണ്ടിലേറെയായി ചന്ദ്രിക റിപോർടറായി പ്രവർത്തിച്ചുവരുന്ന അശ്‌റഫ് കേരള പത്രപ്രവർത്തക അസോസിയേഷൻ വടകര താലൂക് പ്രസിഡണ്ട്, ശിഹാബ് തങ്ങൾ ഫൗൻഡേഷൻ നാദാപുരം മണ്ഡലം ചെയർമാൻ, ലഹരി നിർമാർജന സമിതി നാദാപുരം മണ്ഡലം പ്രസിഡണ്ട്, മീഡിയ വിഷൻ ചീഫ് എഡിറ്റർ, വാണിമേൽ എംയുപി സ്കൂൾ പി ടി എ പ്രസിഡണ്ട്, വാണിമേൽ ക്രസന്റ് ഹയർ സെകൻഡറി സ്കൂൾ, ദാറുൽഹുദാ ടിടിഐ മാനജിംഗ് കമിറ്റി അംഗം എന്നീ നിലകളിലും പ്രവർത്തിച്ചു വരികയാണ്. ഗായകനും ഗാനരചയിതാവുമായ ഇദ്ദേഹം വിവിധ ജില്ലാ സബ് ജില്ലാ സ്കൂൾ കലോത്സവങ്ങളിൽ മാപ്പിള കലകളുടെ വിധി കർത്താവാണ്. വാണിമേൽ ഗ്രാമപഞ്ചായത്ത് അംഗമായിരുന്നു.

Keywords:  P Shaduli Memorial Award to MK Ashraf, Kerala, Kannur, Award, News, Report, Panchayath.
< !- START disable copy paste -->
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം. അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന നിയമനടപടികൾ നേരിടേണ്ടിവന്നേക്കാം.
Webdesk Vi
Webdesk Vi

154168 Articles

Tags

Share this story

wellfitindia