ഊത്തപിടുത്തം: വീഡിയോ പ്രചരിപ്പിച്ചാൽ കർശന നടപടിയെന്ന് ഫിഷറീസ് വകുപ്പ്

കണ്ണൂർ: (KVARTHA) അനധികൃത മത്സ്യബന്ധനവും ഊത്തപിടുത്തവും ശ്രദ്ധയിൽപ്പെട്ടാൽ ഉൾനാടൻ അക്വാകൾച്ചർ ആൻഡ് ഫിഷറീസ് ആക്ട് പ്രകാരം കർശന നടപടികളും പിഴയും ചുമത്തുമെന്ന് ജില്ലാ ഫിഷറീസ് ഡെപ്യൂട്ടി ഡയറക്ടർ അറിയിച്ചു.

തെക്കുപടിഞ്ഞാറൻ കാലവർഷാരംഭത്തോടെ മത്സ്യങ്ങൾ പ്രജനനത്തിനായി നടത്തുന്ന ദേശാന്തരഗമനമായ ഊത്തകയറ്റം മേയ് പകുതിയോടെ കണ്ണൂരിൽ ആരംഭിച്ചിട്ടുണ്ട്. ഊത്തപിടുത്തം നിയമപരമായി നിരോധിച്ചിട്ടുള്ള ഒന്നാണ്. 

എന്നാൽ, കാലവർഷം ആരംഭിച്ചതോടെ ഇത് ക്രമാതീതമായി വർധിക്കുകയും, ഊത്തപിടുത്തം പ്രോത്സാഹിപ്പിക്കുന്ന തരത്തിലുള്ള വീഡിയോകൾ സാമൂഹിക മാധ്യമങ്ങളിൽ വ്യാപകമായി പ്രചരിപ്പിക്കപ്പെടുകയും ചെയ്യുന്നുണ്ട്. ഇത്തരം നിയമലംഘനങ്ങളിൽ ഏർപ്പെടുന്നതും, അതിന് പ്രേരിപ്പിക്കുന്നതും ശിക്ഷാർഹമാണെന്ന് അധികൃതർ വ്യക്തമാക്കി.

മത്സ്യസമ്പത്തിന്റെ വംശനാശ ഭീഷണി നേരിടുന്ന ഈ സാഹചര്യത്തിൽ പൊതുജന സഹകരണവും തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികളുടെ ഇടപെടലും അനിവാര്യമാണെന്നും ഡെപ്യൂട്ടി ഡയറക്ടർ കൂട്ടിച്ചേർത്തു. 

അനധികൃത മത്സ്യബന്ധനം സംബന്ധിച്ച പരാതികൾ 0497-2731081 എന്ന ഫോൺ നമ്പറിൽ അറിയിക്കാവുന്നതാണ്.

ഊത്തപിടുത്തം തടയാൻ നമുക്ക് എന്ത് ചെയ്യാനാകും? നിങ്ങളുടെ നിർദ്ദേശങ്ങൾ കമന്റ് ചെയ്യുക. ഈ വാർത്ത മറ്റുള്ളവരിലേക്ക് എത്തിക്കാൻ സഹായിക്കുക.

Article Summary: Fisheries Dept. warns of action against illegal fishing & 'oothapidutham' videos.

#FisheriesKerala #Oothapidutham #IllegalFishing #Kannur #WildlifeConservation #FisheriesAct