Legal Notice | മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശി നൽകിയ മാനനഷ്ട കേസിൽ പി വി അൻവറിന് നോട്ടീസ്; തലശേരി കോടതിയിൽ ഹാജരാകണം
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
● കണ്ണൂർ കോടതിയിലും മാനനഷ്ട കേസ് നൽകിയിട്ടുണ്ട്
● ഡിസംബർ 20ന് കോടതിയിൽ ഹാജരാകാൻ തലശ്ശേരി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ്
തലശേരി: (KVARTHA) മുഖ്യമന്ത്രി പിണറായി വിജയൻ്റെ പൊളിറ്റിക്കൽ സെക്രട്ടറി പി ശശി നൽകിയ മാനനഷ്ട കേസിൽ നിലമ്പൂർ എംഎൽഎ പി വി അൻവറിന് തലശേരി കോടതിയിൽ ഹാജരാകാൻ നോട്ടീസ് അയച്ചു. ഡിസംബർ 20ന് കോടതിയിൽ ഹാജരാകാൻ തലശരി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് ഉത്തരവിട്ടു.
അപകീർത്തികരവും അടിസ്ഥാന രഹിതവുമായ ആരോപണം ഉന്നയിച്ചതായി കാട്ടി എംഎൽഎക്കെതിരെ അഡ്വ. കെ വിശ്വൻ മുഖേന പി ശശി ഫയൽ ചെയ്ത കേസിലാണ് നടപടി. ആരോപണം പിൻവലിച്ച് മാപ്പ് പറയണമെന്നും അല്ലാത്ത പക്ഷം നിയമനടപടി സ്വീകരിക്കുമെന്നും കാണിച്ച് നേരത്തെ വക്കീൽ നോട്ടീസ് അയച്ചിരുന്നു.
നോട്ടീസിന് മറുപടി നൽകാത്ത സാഹചര്യത്തിലാണ് കോടതിയിൽ കേസ് ഫയൽ ചെയ്തത്. പാലക്കാട് ഒക്ടോബർ 17ന് നടത്തിയ വാർത്താ സമ്മേളനത്തിലും പി ശശിക്കെതിരെ ആരോപണം ഉന്നയിച്ചതായി പരാതിയുണ്ട്. ഇതിനെതിരെ കണ്ണൂർ കോടതിയിലും മാനനഷ്ട കേസ് നൽകിയിട്ടുണ്ട്.
#DefamationCase #PVAnwar #PShashi #LegalNotice #ThalasseryCourt #KeralaPolitics
