Arif Mohammad Khan | 'വിവരം മാധ്യമങ്ങളിലൂടെ അറിഞ്ഞു, കൂടുതല്‍ പ്രതികരിക്കാനില്ല, തീരുമാനം സര്‍കാരിന്റെ സ്വാതന്ത്ര്യം'; കലാമണ്ഡലം ചാന്‍സലര്‍ സ്ഥാനത്തുനിന്ന് മാറ്റിയതിന് പിന്നാലെ പരിഹാസവുമായി കേരളാ ഗവര്‍ണര്‍
Nov 13, 2022, 13:36 IST
ADVERTISEMENT
തിരുവനന്തപുരം: (www.kvartha.com) കലാമണ്ഡലം ചാന്‍സലര്‍ സ്ഥാനത്തുനിന്ന് മാറ്റിയതിന് പിന്നാലെ പ്രതികരണവുമായി ഗവര്‍ണര്‍ ആരിഫ് മുഹമ്മദ് ഖാന്‍. ചാന്‍സലര്‍ സ്ഥാനത്തുനിന്ന് മാറ്റിയ വിവരം മാധ്യമങ്ങളിലൂടെ അറിഞ്ഞുവെന്നും തീരുമാനം സര്‍കാരിന്റെ സ്വാതന്ത്ര്യമാണെന്നും അത് നിയമപരമാണോ എന്നതില്‍ പ്രതികരിക്കാനില്ലെന്നും ആരിഫ് മുഹമ്മദ് ഖാന്‍ പറഞ്ഞു.
അതേസമയം 14 സര്‍വകലാശാലകളുടെയും ചാന്‍സലര്‍ സ്ഥാനത്തുനിന്ന് ഗവര്‍ണറെ നീക്കുന്നതിനുള്ള ഓര്‍ഡിനന്‍സ് രാഷ്ട്രപതിക്ക് അയയ്ക്കുമെന്ന് ആരിഫ് മുഹമ്മദ് ഖാന്‍ സൂചിപ്പിച്ചു. സര്‍കാര്‍, തന്നെയാണ് ലക്ഷ്യമിടുന്നതെങ്കില്‍ വിധികര്‍ത്താവാകാനില്ലെന്ന് ഗവര്‍ണര്‍ പറഞ്ഞു.
ചാന്‍സലര്‍ സ്ഥാനത്തുനിന്ന് ഗവര്‍ണറെ നീക്കുന്നതിനുള്ള ഓര്‍ഡിനന്‍സ് ശനിയാഴ്ച സര്‍കാര്‍ രാജ്ഭവന് കൈമാറിയിരുന്നു. ശനിയാഴ്ച ഗവര്‍ണര്‍ കൊച്ചിയിലേക്ക് തിരിച്ചതിനു പിന്നാലെ രാവിലെ 11നാണ് ഓര്‍ഡിനന്‍സ് രാജ്ഭവനിലെത്തിച്ചത്.
ഗവര്‍ണര്‍- സര്‍കാര്‍ പോര് രൂക്ഷമാകുന്നതിന്റെ ഭാഗമായി ഒന്‍പത് സര്‍വകലാശാല വിസിമാരോട് ആരിഫ് മുഹമ്മദ് ഖാന്‍ രാജി ആവശ്യപ്പെട്ടിരുന്നു. ഈ വിഷയം നിലവില്‍ ഹൈകോടതിയുടെ പരിഗണനയിലാണ്. എന്നാല്‍ ഇതിന് സര്‍കാരിന്റെ ഭാഗത്ത് നിന്നുള്ള പ്രത്യാക്രമണം എന്ന് നിലയിലാണ് ഗവര്‍ണറെ ചാന്‍സലര്‍ പദവിയില്‍ നിന്ന് നീക്കാനുള്ള ശ്രമങ്ങള്‍ ആരംഭിച്ചത്.
Keywords: News,Kerala,State,Thiruvananthapuram,Governor,Government,Top-Headlines,Trending, Politics,party, No comments on govt action says governor Arif Mohammad Khan
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
