Criticized | പ്രധാനമന്ത്രിക്ക് പ്രശംസ; പിന്നാലെ കേന്ദ്രസര്‍കാരിന് നേരെ വിമര്‍ശനവുമായി എന്‍ കെ പ്രേമചന്ദ്രന്‍ എംപി

കൊല്ലം: (KVARTHA) കുണ്ടറ പള്ളിമുക്ക് റെയില്‍വേ മേല്‍പ്പാലത്തിന്റെ നിര്‍മാണോദ്ഘാടനവുമായി ബന്ധപ്പെട്ട് കേന്ദ്രസര്‍കാരിന് നേരെ ആദ്യം പ്രശംസയും പിന്നീട് വിമര്‍ശനവും നടത്തി എന്‍ കെ പ്രേമചന്ദ്രന്‍ എംപി. ഉദ്ഘാടനം ചെയ്യുന്ന പദ്ധതികളുടെ പുരോഗതി കൃത്യമായി പ്രധാനമന്ത്രി നരേന്ദ്ര മോദി അവലോകനം ചെയ്യുമെന്നായിരുന്നു പ്രേമചന്ദ്രന്റെ പ്രശംസ. പിന്നാലെ കേന്ദ്ര സര്‍കാരിനു നേരെ വിമര്‍ശനവും ഉന്നയിച്ചു.

'ഉദ്ഘാടനം ചെയ്യുന്ന പദ്ധതികളുടെ നിര്‍മാണ പുരോഗതി എല്ലാമാസവും പ്രധാനമന്ത്രി നരേന്ദ്ര മോദി കൃത്യമായി അവലോകനം ചെയ്യും. അത്തരം പദ്ധതികളില്‍ സാങ്കേതിക പ്രശ്‌നങ്ങളുണ്ടെങ്കില്‍ കേന്ദ്ര സര്‍കാര്‍ തന്നെ സംസ്ഥാന സര്‍കാരുകളുമായി ബന്ധപ്പെട്ട് പരിഹരിക്കുമെന്നാണ് ഉദ്യോഗസ്ഥര്‍ പറയുന്നത്. ഇക്കാര്യത്തില്‍ പ്രധാനമന്ത്രിക്ക് ഉദ്യോഗസ്ഥരുടെ പ്രശംസയുണ്ട്' - എന്നായിരുന്നു പ്രേമചന്ദ്രന്‍ പറഞ്ഞത്.