Accidental Death | ബൈക് അപകടത്തില്‍ നവവരന്‍ മരിച്ചു, ഭാര്യയ്ക്ക് ഗുരുതരം

പാലക്കാട്: (KVARTHJA) ചെര്‍പ്പുളശ്ശേരി നെല്ലായ മോളൂരില്‍ ബൈക് അപകടത്തില്‍ നവവരന്‍ മരിച്ചു. മോളൂര്‍ തവളപ്പടിയില്‍ തിങ്കളാഴ്ച ഉച്ചയ്ക്ക് 12 മണിയോടെയാണ് അപകടം. കരുമാനാം കുറുശ്ശി പുത്തന്‍ വീട്ടില്‍ ജിബിന്‍ (28) ആണ് മരിച്ചത്. ഒപ്പമുണ്ടായിരുന്ന ഭാര്യ ശ്രീഷ്മയ്ക്ക് ഗുരുതരമായി പരുക്കേറ്റു.
      
ഒക്ടോബര്‍ 18 നായിരുന്നു ഇരുവരുടെയും വിവാഹം. തൃശൂര്‍ കേച്ചേരിയിലുള്ള ശ്രീഷ്മയുടെ വീട്ടില്‍നിന്നും ബൈകില്‍ കരുമാനാം കുറുശ്ശിയിലേക്ക് വരികയായിരുന്നു. മോളൂര്‍ തവളപ്പടിയിലെ ഇറക്കത്തില്‍ വച്ച് ബൈക് നിയന്ത്രണം വിട്ട് സമീപത്തെ വീടിന്റെ മതിലില്‍ ഇടിച്ചാണ് അപകടം.

ഇരുവരും ഹെല്‍മറ്റ് ധരിച്ചിരുന്നെങ്കിലും ഗുരുതരമായി പരുക്കേറ്റു. ഉടന്‍ തന്നെ പ്രദേശവാസികള്‍ ഓടിയെത്തി ദമ്പതചികളെ വാണിയംകുളത്തെ ആശുപത്രിയില്‍ എത്തിച്ചെങ്കിലും ജിബിനെ രക്ഷിക്കാനായില്ല. ശ്രീഷ്മ ചികിത്സയില്‍ തുടരുകയാണ്.