സേവനാവകാശ നിയമം നടപ്പ് നിയമസഭയില്‍ പാസാക്കും: മുഖ്യമന്ത്രി
Jul 21, 2012, 10:59 IST
ADVERTISEMENT
ഡബിള്‍ എന്‍ട്രി അക്കൗണ്ടിംങ് ഇന്ത്യയില്‍ ആദ്യമായി നടപ്പിലാക്കുന്നത് കാസര്‍കോട് ജില്ലയിലെ മഞ്ചേശ്വരം മണ്ഡലത്തിലെ ജനങ്ങള്‍ക്കുവേണ്ടിയാണെന്ന് മുഖ്യമന്ത്രി പറഞ്ഞു. ഗവണ്‍മെന്റ് ആനുകൂല്യങ്ങള്‍ ഉദ്യോഗസ്ഥരുടെ അലംഭാവം മൂലം കിട്ടാതെ പോകുന്നതിന്റെ തടസം നീക്കുന്നതിനു വേണ്ടിയാണ് ഇ-ഗവേണിംഗ് സംവിധാനം നടപ്പിലാക്കുന്നതെന്ന് മുഖ്യമന്ത്രി ഉമ്മന്‍ചാണ്ടി പറഞ്ഞു.
സര്‍ക്കാര്‍ ആനുകൂല്യങ്ങള്‍ ആരുടേയും ഔദാര്യമല്ല. അത് ജനങ്ങളുടെ അവകാശമാണ്. ഉദ്യോഗസ്ഥരുടെ മനോഭാവം മാറ്റുന്നതിനു വേണ്ടിയാണ് താനും മന്ത്രി മുനീറടക്കമുള്ളവരും പ്രവര്‍ത്തിക്കുന്നത്. ഇക്കാര്യത്തില്‍ നാട്ടുകാരുടേയും ഉദ്യോഗസ്ഥരുടെയും സഹകരണം ആവശ്യമാണ്. കൃത്യസമയത്തിനുള്ളില്‍ ഗവണ്‍മെന്റില്‍ നിന്നും എല്ലാ സേവനങ്ങളും ജനങ്ങള്‍ക്ക് ഉറപ്പാക്കുന്നതിനു വേണ്ടിയാണ് സേവനാവകാശ നിയമം കൊണ്ടുവരുന്നതെന്നും മുഖ്യമന്ത്രി കൂട്ടിച്ചേര്‍ത്തു.
ചടങ്ങില്‍ മന്ത്രി എം.കെ മുനീര്‍ അധ്യക്ഷത വഹിച്ചു. പി.ബി അബ്ദുര്‍ റാസാഖ് എം.എല്‍.എ സ്വാഗതം പറഞ്ഞു. കൃഷി മന്ത്രി കെ.പി മോഹനന്‍ മുഖ്യപ്രഭാഷണം നടത്തി. ജില്ലാ പഞ്ചായത്തംഗം അഡ്വ. മുംതാസ് ഷുക്കൂര്‍, കുമ്പള പഞ്ചായത്ത് പ്രസിഡന്റ് സി. എച്ച് റംല, സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ മഞ്ചുനാഥ ആള്‍വ, ഉളുവാര്‍ യൂസഫ് തുടങ്ങിയവര്‍ സംസാരിച്ചു.
Keywords: Oommen Chandy, CM, Kasaragod, Kerala, M.K.Muneer, Double Entry Accounting, Inauguration
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
