'ഒന്നു കുളിപ്പിക്കാൻ കൊണ്ടുപോയതാണ്, കൊന്നുകളഞ്ഞു': പൂച്ചയുടെ മരണത്തിൽ പൊട്ടിക്കരഞ്ഞ് നാദിർഷ

കൊച്ചി: (KVARTHA) നടനും സംവിധായകനുമായ നാദിർഷയുടെ വളർത്തുപൂച്ച ചത്ത സംഭവത്തിൽ എറണാകുളം പാലാരിവട്ടത്തുള്ള ഒരു സ്വകാര്യ പെറ്റ് ആശുപത്രിക്ക് എതിരെ ഗുരുതര ആരോപണങ്ങളുമായി നാദിർഷ രംഗത്ത്. 

കുളിപ്പിക്കുന്നതിനായി ആശുപത്രിയിൽ എത്തിച്ച നോബൽ എന്ന് പേരുള്ള തൻ്റെ പൂച്ച, ആശുപത്രി അധികൃതരുടെ അനാസ്ഥ മൂലമാണ് ചത്തതെന്ന് നാദിർഷ ആരോപിക്കുന്നു. സംഭവത്തിൽ നാദിർഷ പാലാരിവട്ടം പോലീസിൽ പരാതി നൽകിയിട്ടുണ്ട്.

സംഭവത്തിന്റെ വിശദാംശങ്ങൾ: 

താനും കുടുംബവും ഏറെ സ്നേഹത്തോടെ വളർത്തിയ നോബൽ എന്ന പൂച്ചയെ ഗ്രൂം ചെയ്യുന്നതിന്റെ ഭാഗമായി കുളിപ്പിക്കാൻ വേണ്ടിയാണ് നാദിർഷയും മകളും ചേർന്ന് പാലാരിവട്ടത്തെ പെറ്റ് ആശുപത്രിയിൽ എത്തിച്ചത്. മുൻപും ഇതേ ആശുപത്രിയിൽ പോയിട്ടുണ്ടെങ്കിലും, ഇത്തവണ പരിചയമില്ലാത്ത ചിലരെയാണ് കണ്ടതെന്ന് നാദിർഷ വെളിപ്പെടുത്തി.

പൂച്ച അക്രമാസക്തമാകാതിരിക്കാൻ ഗ്രൂമിങ്ങിന് മുൻപായി അനസ്തേഷ്യ നൽകാറുണ്ട്. എന്നാൽ, ഇത്തവണ പരിചയമില്ലാത്തവർ അനസ്തേഷ്യ നൽകുന്നതിൽ തനിക്ക് ആശങ്കയുണ്ടായിരുന്നെന്ന് നാദിർഷ പറഞ്ഞു. ഇതിനേക്കാൾ വലിയ മൃഗങ്ങളെ കൈകാര്യം ചെയ്തിട്ടുണ്ടെന്ന് അവർ മറുപടി നൽകി. തുടർന്ന് അനസ്തേഷ്യ നൽകുന്നതിന് മുൻപായി അവർ പൂച്ചയുടെ കഴുത്തിൽ കുരുക്കിട്ടു. പിന്നീട് കാണുന്നത് പൂച്ചയുടെ ജഡമാണെന്നും നാദിർഷ പറയുന്നു.

പൂച്ചയെ സഡേറ്റ് ചെയ്യാൻ ശ്രമിക്കുമ്പോൾ ചത്തുപോയെന്നാണ് ആശുപത്രി അധികൃതർ അറിയിച്ചത്. ഇതിന് ശേഷം താൻ ആശുപത്രിയിലെ ഡോക്ടറെ വിളിച്ചപ്പോൾ, സംഭവം നടക്കുമ്പോൾ താൻ അവിടെ ഉണ്ടായിരുന്നില്ലെന്നും മറ്റൊരു ലേഡി ഡോക്ടറാണ് അനസ്തേഷ്യ നൽകിയതെന്നും ഡോക്ടർ പറഞ്ഞതായി നാദിർഷ ആരോപിച്ചു. 

എന്നാൽ ഇത് താൻ വിശ്വസിക്കുന്നില്ലെന്നും അനസ്തേഷ്യയാണോ കഴുത്തിൽ കുരുക്കിട്ടതാണോ മരണകാരണമെന്ന് അറിയണമെന്നും നാദിർഷ ആവശ്യപ്പെട്ടു. പൂച്ചയുടെ ജഡം പോസ്റ്റ്‌മോർട്ടം ചെയ്യണമെന്നും അദ്ദേഹം ആവശ്യപ്പെട്ടിട്ടുണ്ട്.

നാദിർഷയുടെ ഫേസ്ബുക്ക് പോസ്റ്റിന്റെ പൂർണരൂപം: 

ERNAKULAM PET Hospital . Near  Renai medicity . Palarivattom ( mamangalam ) നല്ല ആരോഗ്യവാനായ ഞങ്ങളുടെ ക്യാറ്റിനെ ഒന്നു കുളിപ്പിക്കാൻ കൊണ്ടുപോയതിന്റെ പേരിൽ ഒന്നുമറിയാത്ത കുറെ ബംഗാളികളുടെ (ഒപ്പം മലയാളികളും ഉണ്ട് ) കയ്യിൽ കൊടുത്ത് കൊന്നുകളഞ്ഞ ദുഷ്ടന്മാർ ഉള്ള ഈ ഹോസ്പിറ്റലിൽ ദയവുചെയ്ത് നിങ്ങളാരും നിങ്ങളുടെ പ്രിയപ്പെട്ട Pet മായി ചെന്ന് അബദ്ധം സംഭവിക്കരുത്. ഇവിടെ ഉള്ളവർക്ക് ഒരു തേങ്ങയും അറിയില്ല. ഒരു വിവരവുമില്ലാത്ത വിദ്യാഭ്യാസമില്ലാത്ത ഡോക്ടർമാർ എന്ന് പറഞ്ഞിരിക്കുന്ന ഈ വൃത്തികെട്ടവന്മാരുടെ കയ്യിൽ നിങ്ങളുടെ പ്രിയപ്പെട്ട pets നെ നല്കരുതേ plz

ഞാൻ കേസ് കൊടുത്തിട്ടുണ്ട്

നാദിർഷയുടെ വളർത്തുപൂച്ചയുടെ ദാരുണമായ മരണം: നിങ്ങളുടെ അഭിപ്രായങ്ങൾ പങ്കുവെക്കുക!

Article Summary: Actor Nadirshah alleges negligence by a private pet hospital in Palarivattom, Kochi, leading to the death of his pet cat, Nobel, during a grooming session. He has filed a police complaint and demanded a post-mortem.

#Nadirshah #PetCare #AnimalCruelty #KochiNews #PetHospital #PoliceComplaint