KAAPA | കോളജ് വിദ്യാര്‍ഥിനിയെ ബൈകിടിച്ച് കൊലപ്പടുത്തിയെന്ന കേസിലെ പ്രതിയെ കാപ ചുമത്തി ജയിലില്‍ അടച്ചു

കൊച്ചി: (KVARTHA) മൂവാറ്റുപുഴയില്‍ കോളജ് വിദ്യാര്‍ഥിനിയെ ബൈകിടിച്ച് കൊലപ്പടുത്തിയെന്ന കേസിലെ പ്രതിയെ കാപ ചുമത്തി ജയിലില്‍ അടച്ചു. ഓപറേഷന്‍ ഡാര്‍ക് ഹണ്ടിന്റെ ഭാഗമായി ജില്ലാ റൂറല്‍ പൊലീസ് മേധാവി വിവേക് കുമാര്‍ സമര്‍പ്പിച്ച റിപോര്‍ടിന്റെ അടിസ്ഥാനത്തിലാണ് നടപടി. വിയ്യൂര്‍ സെന്‍ട്രല്‍ ജയിലിലേക്കാണ് പ്രതിയെ മാറ്റിയത്.

നിര്‍മല കോളജില്‍ ബികോം അവസാന വര്‍ഷ വിദ്യാര്‍ഥിനിയായിരുന്ന വാളകം കുന്നയ്ക്കാല്‍ വടക്കേ പുഷ്പകം വീട്ടില്‍ രഘുവിന്റെയും ഗിരിജയുടെയും മകള്‍ നമിതയെ (19) കൊലപ്പെടുത്തിയെന്ന കേസിലെ പ്രതി ആന്‍സണ്‍ റോയി(22) യെയാണ് കാപ ചുമത്തി ജയിലില്‍ അടച്ചത്. ഇക്കഴിഞ്ഞ ജൂലൈ 26നാണ് കേസിനാസ്പദമായ സംഭവം നടന്നത്.


ലൈസന്‍സില്ലാതെ അമിതവേഗത്തിലും അശ്രദ്ധയിലും ബൈക് ഓടിച്ച് അപകടം വരുത്തുകയായിരുന്നു. കോളജ് വിട്ട് വീട്ടിലേക്ക് പോകാനായി റോഡ് മുറിച്ചു കടക്കുന്നതിനിടെ അമിതവേഗത്തിലെത്തിയ ബൈക് ഇടിച്ചാണ് നമിത മരിക്കുന്നത്. അപകടത്തില്‍ നമിതയ്‌ക്കൊപ്പം ഉണ്ടായിരുന്ന വിദ്യാര്‍ഥിനിക്കും പരുക്കേറ്റിരുന്നു. നമിതയുടെ മരണവുമായി ബന്ധപ്പെട്ട് ആന്‍സനെ പൊലീസ് അറസ്റ്റ് ചെയ്തിരുന്നു.