മന്ത്രി മോഹനന്റെ വക അരിയുണ്ട; എം.എല്‍.എമാര്‍മടങ്ങുന്നത് സമ്മാനച്ചുമടുമായി
Jul 25, 2012, 11:12 IST
ADVERTISEMENT
ബജറ്റവതരണത്തിന്റെ ഭാഗമായി പതിവായി ധനമന്ത്രിമാര്‍ നല്‍കാറുള്ള സമ്മാനം ഇത്തവണയും കെഎം മാണിയും മുടക്കിയില്ല. സാംസങ് ഗാലക്‌സി എസ്ടു മൊബൈല്‍ ഫോണാണ് മാണിയുടെ വക സമ്മാനം്. കളരി പയറ്റ് വിദഗ്ദ്ധനായ പാനൂരിന്റെ പുത്രന്‍ മന്ത്രി കെപി മോഹനന്റെ വക ഔഷധക്കൂട്ട് ചേര്‍ത്ത അരിയുണ്ടയാണ് സമ്മാനം.
എല്‍ഡിഎഫ് ഭരണകാലത്ത് ധനമന്ത്രിയായിരുന്ന തോമസ് ഐസക് സമ്മാനിച്ചത് ലാപ്‌ടോപ്പായിരുന്നു. മന്ത്രി കെ.എം. മാണി നല്‍കിയ സാംസങ് ഗാലക്‌സി മൊബൈല്‍ ഫോണിന് 29,000 രൂപ വിലയുണ്ട്. എന്നാല്‍ ഇതിനെക്കാള്‍ വിലകൂടിയ മുന്തിയ മൊബൈലുകള്‍ കൈവശമുള്ള എം.എല്‍.എ.മാരാണ് പലരും. എംഎല്‍എമാരില്‍ പലരും ഇതിലും മികച്ച ഫോണുകള്‍ കൈവശം വെക്കുന്നവരുമാണ്.
മന്ത്രി കെ.പി. മോഹനന്‍ സ്വന്തം വീട്ടിലുണ്ടാക്കിയ അരിയുണ്ടയാണ് എം.എല്‍.എ.മാര്‍ക്ക് സമ്മാനിച്ചത്. കര്‍ക്കടക സ്‌പെഷ്യല്‍ അരിയുണ്ടായാണിത്. ആനയെ ഊട്ടുന്ന ഉരുളയുടെ വലിപ്പമുണ്ട്.
ടൂറിസം മന്ത്രി എ.പി. അനില്‍കുമാര്‍ ഡിന്നര്‍സെറ്റും മന്ത്രി കെ. ബാബു മത്സ്യവിഭവങ്ങളും നല്‍കി. കൃഷി മന്ത്രിയുടെ വക എം.എല്‍.എ.മാരുടെ ഭാര്യമാര്‍ക്കും പേഴ്‌സണല്‍ അസിസ്റ്റന്റുമാര്‍ക്കും ബാഗുകളും രവിവര്‍മ ചിത്രങ്ങളും നല്‍കും. ചൊവ്വാഴ്ച രാത്രി ധനമന്ത്രി കോവളം സമുദ്രാ ഹോട്ടലില്‍ എം.എല്‍.എ.മാര്‍ക്ക് അത്താഴവിരുന്നൊരുക്കിയിരുന്നു.
Keywords: Thiruvananthapuram, Kerala, K.M.Mani, Mobile Phone, Kerala Legislative Assembly, Gift
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
