നെടുമ്പാശ്ശേരി മിനികൂപ്പർ അപകടം; മരണം നെഞ്ചുതകർക്കുന്നു, കുടുംബത്തിനൊപ്പം നിൽക്കുമെന്ന് പ്രതി സുഹൈലിൻ്റെ മാതാവ് നൂഹാ സജീവ്

നെെടുമ്പാശ്ശേരി: (KVARTHA) നെെടുമ്പാശ്ശേരി മിനികൂപ്പർ അപകട കേസിൽ പ്രതികരണവുമായി പ്രതി സുഹൈൽ സജീവിൻ്റെ മാതാവ് നൂഹാ സജീവ് രംഗത്ത്. ഫേസ്ബുക്കിൽ പങ്കുവെച്ച വീഡിയോയിലൂടെയാണ് അവർ തൻ്റെ നിലപാട് വ്യക്തമാക്കിയത്. അപകടത്തിൽ വിലപ്പെട്ട മൂന്ന് ജീവനുകളാണ് നഷ്ടപ്പെട്ടതെന്നും, മക്കളെ നഷ്ടപ്പെടുന്നതിൻ്റെ വേദന ചിന്തിക്കാൻ പോലും കഴിയുന്നതല്ലെന്നും അവർ പറഞ്ഞു. ഒരു അമ്മയെന്ന നിലയിലും സംരംഭകയെന്ന നിലയിലും ആ കുടുംബത്തോടുള്ള പിന്തുണയും അവർ വീഡിയോയിലൂടെ അറിയിച്ചു.

വീഡിയോയിൽ നൂഹാ സജീവ് പറഞ്ഞത് ഇങ്ങനെയാണ്: 

‘എല്ലാവരോടും കുറച്ച് കാര്യങ്ങൾ പറയാനുണ്ട്. കഴിഞ്ഞ ദിവസം നടന്ന അപകടത്തിൽ അമ്മയെന്ന നിലയിലും സ്ത്രീ എന്ന നിലയിലും എനിക്ക് പറയാനുള്ള കാര്യങ്ങൾക്ക് വേണ്ടിയാണ് വീഡിയോ ചെയ്യുന്നത്. മൂന്ന് വിലപ്പെട്ട കുഞ്ഞുങ്ങളുടെ ജീവനാണ് നഷ്ടപ്പെട്ടത്. അനുശോചനം അറിയിക്കുന്നു. അവരുടെ വീട്ടിലെ തീരാദുഃഖം എനിക്കറിയാം. മക്കളെ സ്നേഹത്തോടെ വളർത്തി വലുതാക്കി, അവരുടെ സ്വപ്നങ്ങളുമായി മുന്നോട്ട് പോകുമ്പോൾ ഇടയ്ക്കുവെച്ച് അവരെ നഷ്ടപ്പെടുന്ന വേദന ചിന്തിക്കാൻ കഴിയുന്നതിനുമപ്പുറമാണ്. എൻ്റെ വാക്കുകൾ കൊണ്ട് അവരുടെ മരണം വരെയുള്ള ദുഃഖത്തിന് ഒരു കുറവാകില്ല എന്ന് അറിയാം. എങ്കിലും കുഞ്ഞുങ്ങളോടുള്ള അനുശോചനം രേഖപ്പെടുത്തുന്നു.’

നിയമനടപടികളും കുടുംബത്തിൻ്റെ ബുദ്ധിമുട്ടുകളും

അപകടത്തിനോടനുബന്ധിച്ചുള്ള സംഭവങ്ങൾ അധികാരികൾ അന്വേഷിക്കട്ടെയെന്നും നിയമം അതിൻ്റെ വഴിക്ക് സത്യസന്ധമായി മുന്നോട്ടുപോകട്ടെയെന്നും അവർ വ്യക്തമാക്കി. സോഷ്യൽ മീഡിയയിൽ ഈ വിഷയം വലിയ രീതിയിൽ ചർച്ച ചെയ്യപ്പെടുന്നുണ്ടെന്നും തങ്ങളോട് ജനങ്ങൾക്ക് ദേഷ്യവും വിദ്വേഷവും തോന്നാമെന്നും അവർ പറഞ്ഞു. എങ്കിലും ഈ ദുഷ്കരമായ അവസ്ഥയിൽ തനിക്കും കുടുംബത്തിനും അൽപ്പം സ്വകാര്യത നൽകണമെന്ന് അവർ അഭ്യർത്ഥിച്ചു.

‘എൻ്റെ കുഞ്ഞ് നാളെ എന്താകും എന്നാലോചിച്ചുള്ള വിഷമം ഒരു വശത്തുണ്ട്. അതേപോലെതന്നെ മൂന്ന് ജീവൻ പോയ വിഷമവും എനിക്കുണ്ട്. ഇതിന് രണ്ടിനും ഇടയിലൂടെയാണ് ഞാൻ പോകുന്നത്. ഇത്രയും ദിവസം എഴുന്നേറ്റിരിക്കാൻ പോലും പറ്റാത്ത അവസ്ഥയായിരുന്നു. ഒരു അമ്മ എന്ന നിലയിലും സംരംഭക എന്ന നിലയിലും ആ കുടുംബത്തോടുള്ള പിന്തുണ അറിയിക്കുന്നു. ഞങ്ങൾ ഉള്ളിടത്തോളം കാലം ആ കുടുംബത്തെ പിന്തുണയ്ക്കും. പ്രചരിപ്പിക്കുന്ന ഓരോ കാര്യങ്ങളിൽ നിന്നും ഞങ്ങളെ ഒഴിവാക്കിത്തരണമെന്ന് അഭ്യർത്ഥിക്കുന്നു,’ നൂഹാ സജീവ് കൂട്ടിച്ചേർത്തു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം 

Article Summary: Nuha Sajeev, mother of Suhail Sajeev, the accused in the Nedumbassery Mini Cooper accident case, has released a video on Facebook expressing deep sorrow over the tragic loss of three young lives. Stating that she understands the immense pain of losing children as a mother, she offered her heartfelt condolences and support to the grieving family. 

#Kvartha #NedumbasseryAccident #MiniCooperCase #NuhaSajeev #KeralaPolice #CourtNews #MalayalamNews #KeralaNews #Investigation #AmmuNews