മനോജിന്റെ മരണം: ഡോക്ടറുടെ മൊഴിയെടുക്കാന്‍ കോടതിയുടെ നിര്‍ദ്ദേശം
Aug 9, 2012, 21:29 IST
ADVERTISEMENT
 |
| Manoj |
മനോജിന്റെ മരണത്തിലുള്ള സംശയങ്ങള്‍ ദൂരീകരിക്കുന്നതിനാണ് പോലീസ് റിപ്പോര്‍ട്ടിന്റെ അടിസ്ഥാനത്തില്‍ ഡോക്ടറുടെ മൊഴിയെടുക്കാന്‍ സി ജെ എം കോടതി നിര്‍ദ്ദേശം നല്‍കിയിരിക്കുന്നത്. മനോജിന്റെ മരണം കൊലപാതകമാണെന്നാണ് സിപിഎം ആരോപിക്കുന്നതെങ്കിലും ഇങ്ങനെയൊരു നിഗമനത്തിലെത്താന്‍ ആവശ്യമായ തെളിവുകള്‍ പോലീസിന് ലഭിച്ചിട്ടില്ല. മനോജിന്റെ മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയില്‍ വിദഗ്ദ്ധ പോസ്റ്റുമോര്‍ട്ടത്തിന് വിധേയമാക്കിയപ്പോള്‍ മരണം ഹൃദയസ്തംഭനം മൂലമാണെന്നാണ് സൂചനലഭിച്ചത്.
ഷുക്കൂര്‍ വധക്കേസുമായി ബന്ധപ്പെട്ട് സിപിഎം കണ്ണൂര്‍ ജില്ലാ സെക്രട്ടറി പി ജയരാജനെ അറസ്റ്റ് ചെയ്തതില്‍ പ്രതിഷേധിച്ച് നടന്ന ഹര്‍ത്താലിനിടെയാണ് തച്ചങ്ങാട് ടൗണില്‍ സംഘര്‍ഷമുണ്ടായത്. ഇതിനിടെയാണ് മനോജ് മരണപ്പെട്ടത്. പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റുമോര്‍ട്ടത്തിനായി ആദ്യം പരിയാരം മെഡിക്കല്‍ കോളേജ് ആശുപത്രിയിലേക്കാണ് കൊണ്ടുപോയതെങ്കിലും പിന്നീട് പോസ്റ്റുമോര്‍ട്ടം കോഴിക്കോട് മെഡിക്കല്‍ കോളേജ് ആശുപത്രിയില്‍ നടത്തുകയായിരുന്നു.
തച്ചങ്ങാട്ട് ചില അനിഷ്ട സംഭവങ്ങള്‍ നടന്നുവെങ്കിലും മനോജും മുസ്ലിം ലീഗ് പ്രവര്‍ത്തകരും തമ്മില്‍ നേരിട്ടുള്ള സംഘട്ടനമുണ്ടായിട്ടില്ലെന്നാണ് പോലീസ് റിപ്പോര്‍ട്ട്. അതുകൊണ്ടുതന്നെ മനോജിന്റെ മരണം കൊലപാതകമല്ലെന്ന നിഗമനത്തിലാണ് പോലീസ് അന്വേഷണം തുടരുന്നത്. അതേസമയം പോസ്റ്റുമോര്‍ട്ടം സംബന്ധിച്ച അന്തിമ റിപ്പോര്‍ട്ട് ലഭിച്ചിട്ടില്ല. മനോജിന്റെ മരണവുമായി ബന്ധപ്പെട്ട് ദൃക്‌സാക്ഷികളടക്കം ഏതാനും പേരെ പോലീസ് ചോദ്യം ചെയ്തു.
Keywords: Manoj, Death, DYFI, CPM, Harthal, Court order, Doctor, Police, Case Kasaragod.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
