Found Dead | കെട്ടിട നിര്‍മാണത്തൊഴിലാളി വീട്ടിനുള്ളില്‍ തൂങ്ങിമരിച്ചനിലയില്‍; ബ്ലേഡ് പലിശക്കാരുടെ ഭീഷണിയാണ് മരണ കാരണമെന്ന് ബന്ധുക്കള്‍

ബ്ലേഡ് പലിശക്കാരുടെ ഭീഷണിയാണ് പ്രവീണിന്റെ മരണ കാരണമെന്ന് ബന്ധുക്കള്‍ പറഞ്ഞു. വട്ടിപ്പലിശക്കാരില്‍നിന്നും പലപ്പോഴായി പ്രവീണ്‍ പണം കടമെടുത്തിരുന്നുവെന്നും തിരിച്ചടക്കാന്‍ കഴിയാതിരുന്നതിനാല്‍ പലിശ ഇരട്ടിച്ച് വന്‍ തുകയാവുകയും ചെയ്തു. തുടര്‍ന്ന് വെള്ളിയാഴ്ച വൈകുന്നേരം വട്ടിപ്പലിശക്കാരനായ ഒരാള്‍ വീട്ടിലെത്തി പ്രവീണിനെ ഭീഷണിപ്പെടുത്തിയതായി വീട്ടുകാര്‍ പറയുന്നു. ശനിയാഴ്ച രാവിലെ ഏഴുമണിക്കുള്ളില്‍ 10,000 രൂപ വീട്ടിലെത്തിക്കണമെന്നും അല്ലാത്തപക്ഷം ഭവിഷ്യത്ത് നേരിടേണ്ടിവരുമെന്നും പറഞ്ഞാണ് ഭീഷണിയെന്നും ബന്ധുക്കള്‍ പറഞ്ഞു.

ഇതിനുശേഷം പ്രവീണ്‍ ആകെ അസ്വസ്ഥനായിരുന്നുവെന്നും ബ്ലേഡുകാരന്റെ ഭീഷണിയില്‍ മനംനൊന്താണ് ആത്മഹത്യ ചെയ്തതെന്നും കുടുംബം പൊലീസിനോട് പറഞ്ഞു. ഞായറാഴ്ച ഭാര്യയുടേയും പിതാവിന്റേയും മൊഴി രേഖപ്പെടുത്തുമെന്ന് പൊലീസ് പറഞ്ഞു.

പിതാവ്: കാരക്കാട്ട് പറമ്പില്‍ കണ്ണന്‍. ഭാര്യ: രാഖി. മൂന്നു വയസ്സുകാരിയായ പ്രഖിയ, ഒന്നര വയസ്സുകാരന്‍ പ്രഫുല്‍ എന്നിവര്‍ മക്കളാണ്.

മങ്കര പൊലീസ് ഇന്‍ക്വസ്റ്റ് നടത്തി ജില്ലാ ആശുപത്രിയിലേക്ക് മാറ്റിയ മൃതദേഹം പോസ്റ്റ്‌മോര്‍ടത്തിനുശേഷം ബന്ധുക്കള്‍ ഏറ്റുവാങ്ങി സംസ്‌കരിച്ചു.

Keywords: Man found Dead hanged in house, Palakkad, News, Local News, Hang Self, Dead Body, Allegation, Police, Kerala.