വീടിന് മുന്നില്‍വച്ച് ലോറിയിടിച്ച് അപകടം; 53 കാരന് ദാരുണാന്ത്യം
Sep 4, 2021, 14:58 IST
ADVERTISEMENT
തൃശ്ശൂര്‍: (www.kvartha.com 04.09.2021) വീടിന് മുന്നില്‍വച്ച് ലോറിയിടിച്ച് ഗൃഹനാഥന് ദാരുണാന്ത്യം. പാറേമ്പാടം തലക്കോട്ടുകര വീട്ടില്‍ പാവുണ്ണിയുടെ മകന്‍ ജെയിംസ്(53) ആണ് മരിച്ചത്. കുന്നംകുളത്തിന് സമീപമാണ് അപകടം നടന്നത്.
രാവിലെ 6.30 തോടെയായിരുന്നു സംഭവം. മീന്‍ കയറ്റിയ ലോറി നിയന്ത്രണം വിട്ട് ഇടിക്കുകയായിരുന്നു. കുന്നംകുളത്ത് നിന്ന് പട്ടാമ്പി ഭാഗത്തേക്ക് മീന്‍ കൊണ്ടു പോകുന്ന വണ്ടി വീടിനു മുന്നില്‍ വെച്ചാണ് ജെയിംസിനെ ഇടിച്ചത്. ഇടിയുടെ ആഘാതത്തില്‍ ഗുരുതരമായി പരിക്കേറ്റ ജെയിംസ് സംഭവസ്ഥലത്തുവച്ച് തന്നെ മരിച്ചു. മൃതദേഹം താലൂക്ക് ആശുപത്രി മോര്‍ചറിയിലേക്ക് മാറ്റി.
റോഡരികില്‍ നിന്നയാളെ ഇടിച്ച് വീഴ്ത്തിയ ശേഷം ലോറി വൈദ്യുതി പോസ്റ്റും ഇടിച്ച് തകര്‍ത്താണ് നിന്നത്. അപകടത്തെ തുടര്‍ന്ന് ഏറെനേരം റോഡില്‍ ഗതാഗത തടസവുമുണ്ടായി.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
