Died | ബസും ഇരുചക്ര വാഹനവും കൂട്ടിയിടിച്ച്‌ ഗൃഹനാഥൻ മരിച്ചു; സഹോദരന് ഗുരുതര പരുക്ക്

വാണിമേൽ: (www.kvartha.com) ബസും ഇരുചക്ര വാഹനവും കൂട്ടിയിടിച്ച്‌ ഗൃഹനാഥൻ മരിച്ചു. സഹോദരന് ഗുരുതരമായി പരുക്കേറ്റു. നാദാപുരം വാണിമേൽ പുഴമൂലയിൽ ചൊവ്വാഴ്ച രാവിലെ എട്ട് മണിയോടെയാണ് അപകടം നടന്നത്. കല്ലാച്ചി ഇയ്യങ്കോട് കാപ്പാറോട്ട് മുക്കിലെ പറമ്പത്ത് ഇസ്മാഈൽ (45) ആണ് മരിച്ചത്. ഇരുചക്ര വാഹനത്തിന് പിന്നിൽ ഉണ്ടായിരുന്ന സഹോദരൻ മൊയ്തു (55) നാണ് പരുക്കേറ്റത്. ഇദ്ദേഹം ആശുപത്രിയിൽ ചികിത്സയിലാണ്.
                 
വാണിമേൽ പുഴമൂലയിൽ സഹോദരിയുടെ മകളുടെ വീട്ടിലേക്ക് പോകുന്നതിനിടെ വിലങ്ങാട് ഭാഗത്ത് നിന്നും വരികയായിരുന്ന ബസുമായി കൂട്ടിയിടിക്കുകയായിരുന്നു. ഇസ്മാഈൽ സംഭവ സ്ഥലത്ത് തന്നെ മരിച്ചിരുന്നു.

പരേതനായ ഇബ്രാഹിം - മറിയം ദമ്പതികളുടെ മകനാണ് ഇസ്മാഈൽ.
ഭാര്യ: റംല കുറുവന്തേരി. മക്കൾ: മുഹമ്മദ് അദ്നാൻ, ഫാത്വിമ.
മറ്റ് സഹോദരങ്ങൾ: അഹ്‌മദ്‌, ഫാത്വിമ, ആഇശ, മൈമൂനത്, സൗദ, ഖദീജ.