Arrested | 'സ്കൂള് വിദ്യാര്ഥിനിക്ക് നേരെ നഗ്നതാ പ്രദര്ശനം നടത്തിയയാള് അറസ്റ്റില്'; സഞ്ചരിച്ച കാറും കസ്റ്റഡിയില്
Nov 11, 2022, 16:58 IST
ADVERTISEMENT
കൊച്ചി: (www.kvartha.com) സ്കൂള് വിദ്യാര്ഥിനിക്ക് നേരെ നഗ്നതാ പ്രദര്ശനം നടത്തിയയാള് അറസ്റ്റില്. കൊടുങ്ങല്ലൂര് സ്വദേശി പ്രതീഷ്(42) ആണ് അറസ്റ്റിലായത്. വടക്കേക്കര പൊലീസ് ആണ് ഇയാളെ അറസ്റ്റ് ചെയ്തത്. ഇയാള് സഞ്ചരിച്ച കാറും പൊലീസ് കസ്റ്റഡിയിലെടുത്തു. കഴിഞ്ഞ ദിവസം വൈകിട്ട് 3.30നാണ് കേസിനാസ്പദമായ സംഭവം നടന്നത്. പ്രവാസിയായിരുന്ന ഇയാള്, ഇപ്പോള് നാട്ടില് സ്ഥിര താമസക്കാരനാണെന്ന് പൊലീസ് പറഞ്ഞു.
വിദ്യാര്ഥിനി സ്കൂളില് നിന്നു വീട്ടിലേക്കു തനിയെ നടന്നു പോകുന്നതു കണ്ട പ്രതി, കാറില് പിന്നാലെ ചെന്ന് വഴി ചോദിക്കാന് എന്ന വ്യാജേന വിദ്യാര്ഥിനിയുടെ അടുത്തു കാര് നിര്ത്തി അടുത്തേയ്ക്കു വിളിച്ചശേഷം നഗ്നത പ്രദര്ശിപ്പിച്ചെന്നാണ് പരാതി. ഭയന്ന വിദ്യാര്ഥിനി നിലവിളിച്ച്, ഓടിപ്പോയി വീട്ടിലെത്തി വിവരം അറിയിക്കുകയായിരുന്നു.
വടക്കേക്കര ഇന്സ്പെക്ടര് വിസി സൂരജിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. പ്രതി സഞ്ചരിച്ച കാറിനെ കേന്ദ്രീകരിച്ചായിരുന്നു അന്വേഷണം. പ്രതിയെ അറസ്റ്റു ചെയ്തു കോടതിയില് ഹാജരാക്കി റിമാന്ഡ് ചെയ്തു.
Keywords: Man arrested for immoral activities, Kochi, News, Local News, Police, Arrested, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.

