Found Dead | മലപ്പുറത്ത് അയല്‍വാസിയുടെ വീടിന്റെ ശുചിമുറിയ്ക്ക് പിന്‍ഭാഗത്ത് വയോധികനെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി

മലപ്പുറം: (KVARTHA) നിലമ്പൂരില്‍ വയോധികനെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. നിലമ്പൂര്‍ മാമ്പറ്റ സ്വദേശി മുഹമ്മദ് ഹനീഫ(65)യാണ് മരിച്ചത്. അയല്‍വാസിയുടെ വീടിന്റെ ശുചിമുറിയ്ക്ക് പിന്‍ഭാഗത്ത് നിന്നാണ് വ്യാഴാഴ്ച (19.10.2023) രാവിലെ മൃതദേഹം കണ്ടെത്തിയത്. നിലമ്പൂര്‍ പൊലീസ് അന്വേഷണം ആരംഭിച്ചു.


ബുധനാഴ്ച (18.10.2023) ആക്രി സാധനങ്ങള്‍ കയറ്റി പോയ ഇദ്ദേഹം വൈകിട്ട് അഞ്ചരയോടെ വീട്ടിലെത്തിയിരുന്നു. പിന്നീട് ഇവിടെ നിന്ന് പുറത്തേക്ക് പോയി. പണം വാങ്ങാന്‍ പോയതാകുമെന്നാണ് വീട്ടുകാര്‍ കരുതിയത്. എന്നാല്‍ പുലര്‍ചെ മൂന്ന് മണിയായിട്ടും ഇദ്ദേഹം തിരികെ വരാതിരുന്നതോടെ തിരച്ചില്‍ നടത്തി. ഈ സമയത്താണ് അയല്‍വാസിയുടെ വീടിന് പുറകില്‍ ഹനീഫ മരിച്ച് കിടക്കുന്നതായി വിവരമറിഞ്ഞതെന്ന് മകന്‍ മുഹമ്മദ് ശഹല്‍ പറഞ്ഞു.

പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. മൈമൂനയാണ് മരിച്ച ഹനീഫയുടെ ഭാര്യ.