Attacked | 'അയല്‍വാസിയുടെ വെട്ടേറ്റ് മദ്രസ അധ്യാപകന് കൈക്കും കാലിനും ഗുരുതരമായി പരുക്കേറ്റു'; കൊടുവാളുമായെത്തിയ ആള്‍ കുട്ടികള്‍ ഉള്‍പെടെയുള്ളവരെ അക്രമിക്കാന്‍ ശ്രമിച്ചെന്നും വീടിന്റെ ജനല്‍ തകര്‍ത്തെന്നും പരാതി
Dec 11, 2022, 12:54 IST
കോഴിക്കോട്: (www.kvartha.com) അയല്‍വാസിയുടെ വെട്ടേറ്റ് മദ്രസ അധ്യാപകന് കൈക്കും കാലിനും ഗുരുതരമായി പരുക്കേറ്റു. കുന്ദമംഗലം പതിമംഗലത്തുള്ള അശ്റഫ് സഖാഫിക്കാണ് വെട്ടേറ്റത്. സംഭവത്തില്‍ അധ്യാപകന്റെ പരാതിയില്‍ കുന്ദമംഗലം പൊലീസ് കേസെടുത്തുവെങ്കിലും പ്രതിയെ പിടികൂടിയിട്ടില്ല.
സംഭവത്തെ കുറിച്ച് പൊലീസ് പറയുന്നത്:
അശ്റഫ് സഖാഫിയെ അയല്‍വാസിയായ ശമീര്‍ വഴിയില്‍ വെച്ച് വെട്ടുകയായിരുന്നു. കൊടുവാളുമായെത്തിയ ഇയാള്‍ കുട്ടികള്‍ ഉള്‍പെടെയുള്ളവരെ അക്രമിക്കാന്‍ ശ്രമിച്ചെന്നും വീടിന്റെ ജനല്‍ തകര്‍ത്തെന്നും പരാതിയില്‍ പറയുന്നു.
ഭീതികാരണം കുടുംബത്തിന് പുറത്തിറങ്ങാന്‍ കഴിയാത്ത സാഹചര്യമാണെന്നും വ്യക്തിവൈരാഗ്യമാണ് ആക്രമണത്തിന് കാരണമെന്നുമാണ് പരാതി. ശമീര്‍ നേരത്തെയും അശ്റഫ് സഖാഫിക്ക് നേരെ കയ്യേറ്റ ശ്രമം നടത്തിയിരുന്നുവെന്ന് പ്രദേശവാസികള്‍ പറഞ്ഞു.
Keywords: Madrasa Teacher Attacked In Kozhikode, Kozhikode, News, Attack, Hospital, Treatment, Complaint, Police, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
