Air Fare | ഗള്‍ഫില്‍ നിന്നും കേരളത്തിലേക്കുളള വിമാന നിരക്ക് ഉത്സവ സീസണില്‍ വര്‍ധിപ്പിക്കുന്നതിനെതിരെ കേന്ദ്രമന്ത്രിക്ക് കത്ത്

കണ്ണൂര്‍: (www.kvartha.com) ഗള്‍ഫ് രാജ്യങ്ങളില്‍ നിന്ന് കേരളത്തിലേക്ക് ഉത്സവ സീസണുകളില്‍ മാത്രം ടികറ്റിന് ഉയര്‍ന്ന തുക ഈടാക്കുന്ന പ്രവണത അവസാനിപ്പിക്കണമെന്നാവശ്യപ്പെട്ട് പ്രവാസി വ്യവസായി സഫാരി സൈനുല്‍ ആബിദ് വ്യോമായന മന്ത്രി ജ്യോതിരാദിത്യ സിന്ധ്യക്ക് കത്തയച്ചു.
  

നാടിന്റെ സാമ്പത്തിക സുസ്ഥിരതക്കായി വലിയ സംഭാവനകള്‍ നല്‍കുന്നവരാണ് പ്രവാസികള്‍. ഉത്സവ സീസണുകളില്‍ കുടുംബസമേതം നാട്ടില്‍ പോയിവരാന്‍ പ്രവാസികള്‍ ആഗ്രഹിക്കുമ്പോള്‍ അന്യായമായി ഉയര്‍ത്തുന്ന വിമാന നിരക്കുകള്‍ അതിനു തടസമാവുന്നു. വിമാന കംപനികളുടെ ഭാഗത്തു നിന്നുണ്ടാകുന്ന ഇത്തരം പ്രവണതകള്‍ പ്രവാസി സമൂഹത്തോടു ചെയ്യുന്ന കടുത്ത അനീതിയാണെന്നും ഇതിനെതിരെ വ്യോമായന മന്ത്രാലയത്തിന്റെ ഭാഗത്തു നിന്നും ശക്തമായ ഇടപെലുണ്ടാവണമെന്നും ആവശ്യപ്പെട്ടാണ് സൈനുല്‍ ആബിദ് വ്യോമായന മന്ത്രിക്കും വ്യോമായന സെക്രടറിക്കും എയര്‍ ഇൻഡ്യ ഉദ്യോഗസ്ഥർക്കും കത്തയച്ചത്.

Keywords:  News, News-Malayalam-News, Kerala, Kerala-News, Air Fare, Union Minister, Gulf,  Letter to Union Minister against increase in air fares from Gulf to Kerala during festival season