ഹര്‍ത്താല്‍ പൂര്‍ണം

തിരുവനന്തപുരം: ഡീസല്‍ വില വര്‍ദ്ധനയില്‍ പ്രതിഷേധിച്ച് കേരളത്തില്‍ എല്‍ ഡി എഫും ബി ജെ പിയും ആഹ്വാനം ചെയ്ത ഹര്‍ത്താല്‍ പൂര്‍ണം. രാവിലെ ആറു മുതല്‍ വൈകിട്ട ആറു വരെയാണ് ഹര്‍ത്താല്‍. അനിഷ്ട സംഭവങ്ങള്‍ ഒന്നും റിപ്പോര്‍ട്ട് ചെയ്തിട്ടില്ല.ഹര്‍ത്താലിനെ തുടര്‍ന്ന് ശനിയാഴ്ച നടക്കേണ്ടിയിരുന്ന മിക്ക പി.എസ്.സി പരീക്ഷകളും സര്‍വകലാശാല പരീക്ഷകളും മാറ്റിവെച്ചിട്ടുണ്ട്.

ചിലയിടങ്ങളില്‍ സ്വകാര്യ വാഹനങ്ങള്‍ സര്‍വീസ് നടത്തുന്നുണ്ട്. കെ.എസ്.ആര്‍.ടിസിയും സ്വകാര്യ ബസുകളും സര്‍വീസ് നടത്തുന്നില്ല. ഓട്ടോ , ടാക്‌സി, ലോ­റികള്‍ തുടങ്ങിയവയും നിരത്തിലിറങ്ങിയിട്ടില്ല. ആശുപത്രി, പത്രം, കുടിവെള്ളം തുടങ്ങിയവയെ ഹര്‍ത്താലില്‍ നിന്നും ഒഴിവാക്കിയിട്ടുണ്ട്.

വിലവര്‍ധനവില്‍ പ്രതിഷേധിച്ച് സൂചനാ പണിമുടക്ക് നടത്തുമെന്ന് സ്വകാര്യ ബസ്സുടമകളുടെ സംഘടനകള്‍ പ്രഖ്യാപിച്ചിട്ടുണ്ട്. ചരക്കുകൂലി 15 ശതമാനം വര്‍ധിപ്പിക്കാന്‍ ലോറിഉടമകളും തീരുമാനിച്ചു. റെയില്‍വേ ചരക്കുകൂലിയും സിമന്റ് വിലയും കൂട്ടുമെന്നാണ് സൂചന.

( updated)
SUMMARY: The dawn-to-dusk hartal called by LDF and BJP to protest hike in diesel prices and curtail LPG subsidy hit normal life across Kerala.

Key words:   Hartal , LDF , BJP , Protest, Hike , Diesel prices , Curtail LPG , Normal life , Kerala, Hartal crippled , Mobility of people,  Public modes, Transport, Passengers , Long-distance trains, Taxis, Onward journeys, State Human Rights Commission