Clash | കേരളവര്‍മ കോളജിലെ വിദ്യാര്‍ഥി യൂനിയന്‍ തിരഞ്ഞെടുപ്പ്: തിരുവനന്തപുരത്ത് മന്ത്രി ആര്‍ ബിന്ദുവിന്റെ വീട്ടിലേക്ക് കെ എസ് യു പ്രവര്‍ത്തകര്‍ നടത്തിയ മാര്‍ചില്‍ സംഘര്‍ഷം; പൊലീസ് നടത്തിയ ലാത്തിചാര്‍ജില്‍ വിദ്യാര്‍ഥിനിയുടെ മുഖത്തും മറ്റൊരു വിദ്യാര്‍ഥിയുടെ തലയ്ക്കും ഗുരുതരമായി പരുക്കേറ്റു; ചൊവ്വാഴ്ച വിദ്യാഭ്യാസ ബന്ദ്

 


തിരുവനന്തപുരം: (KVARTHA) കേരളവര്‍മ കോളജിലെ വിദ്യാര്‍ഥി യൂനിയന്‍ തിരഞ്ഞെടുപ്പുമായി ബന്ധപ്പെട്ട് തിരുവനന്തപുരത്ത് ഉന്നതവിദ്യാഭ്യാസ മന്ത്രി ആര്‍ ബിന്ദുവിന്റെ വീട്ടിലേക്ക് കെ എസ് യു പ്രവര്‍ത്തകര്‍ നടത്തിയ മാര്‍ചില്‍ സംഘര്‍ഷം. കേരളവര്‍മയിലെ തിരഞ്ഞെടുപ്പ് അട്ടിമറിക്കാന്‍ ഗൂഢാലോചന നടത്തിയെന്നാരോപിച്ച് ഉന്നത വിദ്യാഭ്യാസ മന്ത്രി ആര്‍ ബിന്ദു രാജിവെക്കണമെന്നാവശ്യപ്പെട്ടാണ് കെ എസ് യു തിരുവനന്തപുരം ജില്ലാ കമിറ്റി മാര്‍ച് നടത്തിയത്.

Clash | കേരളവര്‍മ കോളജിലെ വിദ്യാര്‍ഥി യൂനിയന്‍ തിരഞ്ഞെടുപ്പ്: തിരുവനന്തപുരത്ത് മന്ത്രി ആര്‍ ബിന്ദുവിന്റെ വീട്ടിലേക്ക് കെ എസ് യു പ്രവര്‍ത്തകര്‍ നടത്തിയ മാര്‍ചില്‍ സംഘര്‍ഷം; പൊലീസ് നടത്തിയ ലാത്തിചാര്‍ജില്‍ വിദ്യാര്‍ഥിനിയുടെ മുഖത്തും മറ്റൊരു വിദ്യാര്‍ഥിയുടെ തലയ്ക്കും ഗുരുതരമായി പരുക്കേറ്റു; ചൊവ്വാഴ്ച വിദ്യാഭ്യാസ ബന്ദ്

പൊലീസ് നടത്തിയ ലാത്തിചാര്‍ജില്‍ ഒരു വിദ്യാര്‍ഥിനിയുടെ മുഖത്ത് ഗുരുതരമായി പരുക്കേല്‍ക്കുകയും മറ്റൊരു വിദ്യാര്‍ഥിയുടെ തലയ്ക്ക് പരുക്കേല്‍ക്കുകയും ചെയ്തു. മുഖത്ത് ആഴത്തില്‍ മുറിവേറ്റതായി പുറത്തുവന്ന ദൃശ്യങ്ങളില്‍ നിന്നും മനസിലാക്കാം. ചോരയൊലിക്കുന്ന വിദ്യാര്‍ഥിനിയുടെ ദൃശ്യങ്ങളാണ് പുറത്തുവന്നത്. പരുക്കേറ്റ പ്രവര്‍ത്തകരെ ആശുപത്രിയിലേക്കു മാറ്റി. കെ എസ് യു വനിത സംസ്ഥാന ഭാരവാഹിയടക്കം പൊലീസ് ആക്രമണത്തിന് ഇരയായി.

സംഘര്‍ഷ സ്ഥലത്ത് പൊലീസ് മൂന്നു തവണ ജലപീരങ്കി പ്രയോഗിച്ചു. നഗരത്തില്‍ കെ എസ് യു പ്രവര്‍ത്തകരും പൊലീസും തമ്മില്‍ വിവിധയിടങ്ങളില്‍ ഏറ്റുമുട്ടി. പ്രദേശത്ത് സംഘര്‍ഷാവസ്ഥ തുടരുകയാണ്. പ്രതിഷേധക്കാര്‍ കേരളീയം ഫ് ളക്‌സുകള്‍ തകര്‍ക്കുകയും പിപി ചിത്തരഞ്ജന്‍ എംഎല്‍എയുടെ വാഹനം തടയുകയും ചെയ്തു. മൂന്ന് കെ എസ് യു പ്രവര്‍ത്തകരെ പൊലീസ് അറസ്റ്റ് ചെയ്തു. സംഭവത്തില്‍ പ്രതിഷേധിച്ച് ചൊവ്വാഴ്ച കെഎസ്യു സംസ്ഥാനവ്യാപകമായി വിദ്യാഭ്യാസ ബന്ദിന് ആഹ്വാനം ചെയ്തു.

അക്രമത്തെ തുടര്‍ന്ന് കെ എസ് യു പ്രവര്‍ത്തകര്‍ പാളയം രക്തസാക്ഷി മണ്ഡപത്തിനു മുന്‍പിലെ റോഡ് ഉപരോധിച്ചു. കെഎസ്യു പ്രവര്‍ത്തകരുടെ തലയ്ക്ക് അടിച്ച പൊലീസ് ഉദ്യോഗസ്ഥര്‍ക്കെതിരെ നടപടിയെടുക്കണമെന്ന് ആവശ്യപ്പെട്ടാണ് ഉപരോധം. വിദ്യാര്‍ഥികളെ തല്ലിച്ചതച്ചതില്‍ മുഖ്യമന്ത്രി പിണറായി വിജയന്‍ മറുപടി പറയണമെന്ന് സ്ഥലം സന്ദര്‍ശിച്ച എം വിന്‍സന്റ് എംഎല്‍എ ആവശ്യപ്പെട്ടു. സംസ്ഥാനത്ത് മുമ്പെങ്ങും കാണാത്തവിധം പൊലീസ് പ്രവര്‍ത്തകരെ തല്ലിച്ചതച്ചെന്ന് അദ്ദേഹം കുറ്റപ്പെടുത്തി.

സഹന സമരങ്ങള്‍ അവസാനിച്ചുവെന്നും കേരളത്തിന്റെ തെരുവോരങ്ങളില്‍ സമരാഗ്‌നി ആളിപ്പടരുമെന്നും കെ എസ് യു സംസ്ഥാന പ്രസിഡന്റ് അലോഷ്യസ് സേവ്യര്‍ സാമൂഹ്യ മാധ്യമത്തില്‍ പങ്കുവെച്ച പോസ്റ്റില്‍ പറഞ്ഞു.

Keywords:  KSU protest march turns violent in state capital; education bandh in Kerala tomorrow, Thiruvananthapuram, News, Clash, Police, Attack, Student, Injured, Politics, Kerala News.
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia