KSRTC | 25 വയസിന് മുകളിലുള്ള വിദ്യാര്ഥികള്ക്ക് കണ്സഷനുണ്ടാകില്ല; മാര്ഗരേഖ പുറത്തിറക്കി കെഎസ്ആര്ടിസി
Feb 28, 2023, 08:24 IST
ADVERTISEMENT
തിരുവനന്തപുരം: (www.kvartha.com) വിദ്യാര്ഥി കണ്സഷനില് മാര്ഗരേഖ പുറത്തിറക്കി കെഎസ്ആര്ടിസി. ഇനി എല്ലാ വിദ്യാര്ഥികള്ക്കും കെഎസ്ആര്ടിസിയില് കണ്സഷന് ലഭിക്കില്ല. 25 വയസിന് മുകളിലുള്ളവര്ക്ക് യാത്രാക്കൂലിയില് ഇളവൊഴിവാക്കി. 25 വയസിനുമുകളിലുള്ള വിദ്യാര്ഥികള്ക്കും മാതാപിതാക്കള് ആദായ നികുതി പരിധിയില് വരുന്ന കോളജ് വിദ്യാര്ഥികള്ക്കും യാത്രാക്കൂലിയില് കണ്സഷനുണ്ടാകില്ല.
എന്നാല്, സ്വകാര്യ കോളജിലെയും സ്കൂളിലെയും ബിപിഎല് വിദ്യാര്ഥികള്ക്ക് യാത്രാക്കൂലിയില് ഇളവുണ്ടാകും. പ്രായപരിധി നിജപ്പെടുത്തുന്നതോടെ 25 വയസിന് മുകളിലുള്ള വിദ്യാര്ഥികള്ക്ക് കണ്സഷനുണ്ടാകില്ല. സ്വകാര്യ സ്കൂളിലെ മറ്റ് വിദ്യാര്ഥികള്ക്ക് യാത്രാനിരക്കില് 30 ശതമാനം ആനുകൂല്യം നല്കുമെന്നും കെഎസ്ആര്ടിസി മാര്ഗരേഖയില് പറഞ്ഞു.
വിദ്യാര്ഥികളുടെ കണ്സഷന് ഇനത്തില് 2016 മുതല് 2020 വരെ 966.31 കോടി രൂപയുടെ ബാധ്യത കെഎസ്ആര്ടിസിക്കുണ്ടെന്നും ഈ തുക അനുവദിച്ചുതരണമെന്നും സര്കാരിന് നല്കിയ കത്തില് കെഎസ്ആര്ടിസി വ്യക്തമാക്കുന്നു.
Keywords: News,Kerala,State,Thiruvananthapuram,Travel,Transport,KSRTC,Students,Passengers,Top-Headlines,Latest-News, KSRTC new guidelines on student concession
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
