ഒറ്റപ്പാലത്ത് നിന്ന് പാണ്ടാംകോടേക്ക് സർവീസ് നടത്തുന്ന കെഎസ്ആർടിസി ബസിൽ നിന്ന് തെറിച്ചുവീണ് കണ്ടക്ടർക്ക് പരിക്ക്

തിരുവനന്തപുരം: (KVARTHA) കെഎസ്ആർടിസി പ്രിയദർശനി ബസിൽ നിന്ന് തെറിച്ചുവീണ് കണ്ടക്ടർക്ക് പരിക്ക്. ആലത്തൂർ വാനൂർ സ്വദേശി മുഹമ്മദിനാണ് പരിക്കേറ്റത്. ഒറ്റപ്പാലത്ത് നിന്നും വടക്കഞ്ചേരി വഴി പാണ്ടാംകോടേക്ക് സർവീസ് നടത്തുന്ന ബസിലെ കണ്ടക്ടറാണ് ഇദ്ദേഹം. പരിക്കേറ്റ മുഹമ്മദിനെ ഇരട്ടക്കുളം സ്വകാര്യ ആശുപത്രിയിൽ പ്രവേശിപ്പിച്ചു. ചൊവ്വാഴ്ച രാവിലെ ഒമ്പതോടെയായിരുന്നു സംഭവം.

അപകടകാരണം തിരക്ക്

തിരക്ക് മൂലം ആയക്കോട് സ്റ്റോപ്പിൽ ബസ് നിർത്തിയിരുന്നില്ല. ഈ സ്റ്റോപ്പിൽ നിന്നും ഇരുപത് അടി മാറിയാണ് മുഹമ്മദ് ബസിൽ നിന്ന് താഴെ വീണത്. ഇതിന് തൊട്ടുമുമ്പിലുള്ള പുളിങ്കുട്ടം സ്റ്റോപ്പിൽ നിന്നും കണ്ടക്ടർ മുൻവശത്തെ ഡോറിലൂടെ ഇറങ്ങി പുറകുവശത്തെ ഡോർ അടച്ചതായിരുന്നു. തിരക്ക് മൂലം ഡോർ അറിയാതെ തുറന്നതാവാം കണ്ടക്ടർ താഴെ വീഴാൻ കാരണമെന്നാണ് പ്രാഥമിക നിഗമനം. 

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന്  താഴെ കമൻ്റായി രേഖപ്പെടുത്താം.

Article Summary: A KSRTC conductor named Muhammad, a native of Alathur, sustained injuries after falling from a moving 'Priyadarshini' bus. The incident occurred near Aayakkode while the bus was en route from Ottapalam to Pandamkode.

#KSRTC #Accident #KeralaNews #Alathur #KSRTCConductor #ThiruvananthapuramNews #AmmuNews