Arrested | പ്രായപൂര്‍ത്തിയാകാത്ത പെണ്‍കുട്ടിയുമായി കലുങ്കിനടിയില്‍ 62 കാരന്‍ ദുരൂഹസാഹചര്യത്തില്‍; പിടികൂടി പൊലീസില്‍ ഏല്‍പിച്ച് പ്രദേശവാസികള്‍
Jun 13, 2023, 09:15 IST
ADVERTISEMENT
കോട്ടയം: (www.kvartha.com) ഈരാട്ടുപേട്ടയില്‍ കലുങ്കിനടിയില്‍ പ്രായപൂര്‍ത്തിയാകാത്ത പെണ്‍കുട്ടിയുമായി ദുരൂഹസാഹചര്യത്തില്‍ കണ്ടെത്തിയ വയോധികന്‍ അറസ്റ്റില്‍. സംഭവം ശ്രദ്ധയില്‍പെട്ട പ്രദേശവാസികളാണ് വയോധികനെ പിടികൂടി പൊലീസില്‍ ഏല്‍പിച്ചത്. ഇയാള്‍ക്കെതിരെ പൊലീസ് പോക്സോ കേസ് ചുമത്തി.
ഈരാട്ടുപേട്ട പൊലീസ് പറയുന്നത്: ടി എ ഇബ്രാഹിം എന്ന 62 വയസുകാരനെയാണ് തീക്കോയി അടുക്കത്തിന് സമീപം ചാമപ്പാറയില്‍ കലുങ്കിനടിയില്‍നിന്നു നാട്ടുകാര്‍ പിടികൂടിയത്. ഈ സമയം ഇബ്രാഹിമിനൊപ്പം പ്രായപൂര്‍ത്തിയാകാത്ത ഒരു പെണ്‍കുട്ടിയും ഉണ്ടായിരുന്നു. വിവിധ പ്രദേശങ്ങളില്‍ കച്ചവടത്തിനായി പോകുന്നയാളാണ് ഇബ്രാഹിം.
കുട്ടിയുടെ വീട്ടിലും പലപ്പോഴായി എത്തി പരിചയമുള്ള ഇയാള്‍ കഴിഞ്ഞ ദിവസം ഇവിടെയെത്തി മടങ്ങുമ്പോള്‍ വഴിയില്‍ നില്‍ക്കുകയായിരുന്ന കുട്ടിയെ കുളിക്കാന്‍ പോകാം എന്ന് പറഞ്ഞു കൂട്ടിക്കൊണ്ടു പോകുകയായിരുന്നെന്ന് നാട്ടുകാര്‍ പറയുന്നു. തുടര്‍ന്ന് പിടികൂടി പൊലീസില്‍ ഏല്‍പിക്കുകയായിരുന്നു.
താന്‍ കുളിക്കാനായാണ് കുളിക്കടവില്‍ എത്തിയതെന്നാണ് ഇബ്രാഹിം നാട്ടുകാരോട് പറഞ്ഞത്. എന്നാല്‍, പെണ്‍കുട്ടിയെ ലൈംഗികമായി പീഡിപ്പിക്കാനാണ് ഇബ്രാഹിം സ്‌കൂടറില്‍ ആളൊഴിഞ്ഞ സ്ഥലത്തേക്ക് എത്തിച്ചത്. പൊലീസ് കേസ് രെജിസ്റ്റര്‍ ചെയ്യുകയും എസ്എച്ഒ ബാബു സെബാസ്റ്റ്യന്റെ നേതൃത്വത്തിലുള്ള സംഘം പ്രതിയെ അറസ്റ്റ് ചെയ്യുകയുമായിരുന്നു.
Keywords: News, Kerala, Kerala-News, News-Malayalam, Kottayam, Elder Man, Arrested, Pocso Case, Minor Girl, Kottayam: Elder man arrested for Pocso case.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
