Arrested | പ്രണയബന്ധം തടയാന് ശ്രമിച്ച പ്രായപൂര്ത്തിയാകാത്ത കുട്ടിയെ മര്ദിച്ച് പരുക്കേല്പിച്ചതായി പരാതി; മാതാവും ആണ് സുഹൃത്തും പിടിയില്
Jun 16, 2023, 16:11 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
കൊല്ലം: (www.kvartha.com) രഹസ്യമായി തുടരുകയായിരുന്ന പ്രണയബന്ധം അറിഞ്ഞതോടെ തടയാന് ശ്രമിച്ച പ്രായപൂര്ത്തിയാകാത്ത സ്വന്തം കുട്ടിയെ മര്ദിച്ച് പരുക്കേല്പിച്ചെന്ന പരാതിയില് 35 കാരിയായ മാതാവും ആണ് സുഹൃത്തും പൊലീസ് പിടിയില്. കൊല്ലം വെസ്റ്റ് ഗ്രാമ പഞ്ചായത് പരിധിയിലെ നിഷിത, ആണ് സുഹൃത്ത് റസൂല് (19) എന്നിവരാണ് പള്ളിത്തോട്ടം പൊലീസിന്റെ പിടിയിലായത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
സംഭവത്തെ കുറിച്ച് പൊലീസ് പറയുന്നത്: മൂന്ന് മക്കളുടെ അമ്മയായ യുവതി ദിവസങ്ങള്ക്ക് മുന്പ് മക്കളെ ഉപേക്ഷിച്ച് കാമുകനൊപ്പം ഒളിച്ചോടിയിരുന്നു. തുടര്ന്ന് ഇവര്ക്കെതിരെ ജുവനൈല് ജസ്റ്റിസ് ആക്ട് പ്രകാരം കേസെടുത്തിരുന്നു. പിടിയിലായപ്പോള്, യുവാവ് തന്നെ ഭീഷണിപ്പെടുത്തി തട്ടിക്കൊണ്ട് പോയതാണെന്ന് കാണിച്ച് യുവതി കോടതിയില്നിന്ന് ജാമ്യം നേടി. എന്നാല് ജാമ്യം നേടി പുറത്തിറങ്ങിയശേഷവും കാമുകനുമായി ബന്ധം തുടരുകയായിരുന്നു.
ഇവര് തമ്മിലുള്ള ബന്ധത്തെപ്പറ്റി ചോദ്യം ചെയ്യുകയും തടയാന് ശ്രമിക്കുകയും ചെയ്തപ്പോഴാണ് പ്രതികള് ചേര്ന്നു പ്രായപൂര്ത്തിയാകാത്ത കുട്ടിയെ മര്ദിച്ച് അവശനാക്കിയത്. പൊലീസില് നല്കിയ പരാതിയുടെ അടിസ്ഥാനത്തില് പ്രതികള്ക്കെതിരെ ഇന്ഡ്യന് ശിക്ഷാ നിയമത്തിലെയും ജുവനൈല് ജസ്റ്റിസ് ആക്ടിലെയും വിവിധ വകുപ്പുകള് പ്രകാരം കേസ് രെജിസ്റ്റര് ചെയ്ത് അറസ്റ്റ് ചെയ്യുകയായിരുന്നു.
സ്റ്റേഷന് ഇന്സ്പെക്ടര് ഫയാസിന്റെ നേതൃത്വത്തില് എസ് ഐമാരായ സ്റ്റെപ്റ്റോ ജോണ്, എസ് സി പ ിഒ ശാനവാസ്, സുനില് ലാസര് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്.
Keywords: News, Kerala, Kerala-News, Kollam, Police, Arrested, Couple, Attacked, Child. Local-News, Regional-News, Kollam: Police arrested couple who attacked child for questioning their relation.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
