പാലത്തായി കേസ്: അപവാദ പ്രചാരണം തുടർന്നാൽ നിയമനടപടി സ്വീകരിക്കുമെന്ന് കെ കെ ശൈലജ

മട്ടന്നൂർ: (KVARTHA) പാലത്തായി പോക്സോ കേസ് വിധിയുമായി ബന്ധപ്പെട്ട് തനിക്കെതിരെ നടത്തുന്ന അപവാദ പ്രചരണത്തിനെതിരെ വേണ്ടി വന്നാൽ നിയമ നടപടി സ്വീകരിക്കുമെന്ന് മുൻ മന്ത്രി കെ.കെ. ശൈലജ എം.എൽ.എ പറഞ്ഞു. മട്ടന്നൂർ പഴശിയിൽ മാധ്യമങ്ങളോട് പ്രതികരിക്കുകയായിരുന്നു അവർ. കേസ് വിധി വന്നതിനെത്തുടർന്ന് ചിലർ ദുഷ്ടലാക്കോടെ തനിക്കെതിരെ പ്രചാരണം നടത്തുകയാണെന്നും ഇത് തുടർന്നാൽ നിയമനടപടി സ്വീകരിക്കേണ്ടി വരുമെന്നും കെ കെ ശൈലജ മുന്നറിയിപ്പ് നൽകി. 

കേസിൽ 'നല്ലൊരു വിധി വന്നതാണോ ചിലർക്ക് പ്രശ്നമായത്' എന്ന സംശയവും കെ.കെ. ശൈലജ പ്രകടിപ്പിച്ചു. കുട്ടിക്ക് വിഷമം ഉണ്ടാകുന്ന തരത്തിലുള്ള ചോദ്യങ്ങൾ ചോദിക്കരുതെന്ന് താൻ മന്ത്രിയായ സമയം പൊലീസിനോട് പറഞ്ഞിരുന്നു. എന്നാൽ കൗൺസിൽമാരോട് ഇന്ന ചോദ്യമേ ചോദിക്കാനാവൂ എന്ന് വനിത ശിശുക്ഷേമ വകുപ്പ് മന്ത്രി എന്ന നിലയിൽ പറയാനാനുള്ള അധികാരം തനിക്കില്ലെന്നും കെ കെ ശൈലജ വ്യക്തമാക്കി.

നിയമനടപടിയിലേക്ക്

ഇനിയും കോടതിയുടെ മറവിൽ തനിക്കെതിരെ വ്യാജ പ്രചരണം തുടർന്നാൽ അതു നിർത്താൻ ശക്തമായ നിയമനടപടി സ്വീകരിക്കുമെന്ന് കെ.കെ ശൈലജ ആവർത്തിച്ചു. വസ്തുതാ വിരുദ്ധമായ കാര്യങ്ങൾ പ്രചരിപ്പിച്ച് പൊതുരംഗത്ത് അപകീർത്തിപ്പെടുത്താനുള്ള ശ്രമങ്ങൾക്കെതിരെയാണ് ഈ നീക്കം.

പാലത്തായി കേസിലെ വിവാദങ്ങളെക്കുറിച്ചുള്ള നിങ്ങളുടെ അഭിപ്രായം പങ്കുവയ്ക്കുക.

Article Summary: K K Shailaja warns of legal action against defamation regarding the Palathayi POCSO case verdict.

#KKSahilaja #PalathayiCase #LegalAction #KeralaPolitics #Defamation #POCSO