KGMOA | ഡോക്ടർമാരെ കുറിച്ചുള്ള ഗണേഷ് കുമാർ എംഎൽഎയുടെ പ്രസ്താവനയ്ക്കതിരെ കെജിഎംഒഎ; നിയമവ്യവസ്ഥയോടുള്ള വെല്ലുവിളിയെന്ന് ആക്ഷേപം

തിരുവനന്തപുരം: (www.kvartha.com) ചില ഡോക്ടർമാർക്ക് തല്ല് കിട്ടേണ്ടതാണെന്ന ഗണേഷ് കുമാർ എംഎൽഎയുടെ പ്രസ്താവനയ്ക്കതിരെ കേരള ഗവ. മെഡികല്‍ ഓഫീസേഴ്‌സ് അസോസിയേഷന്‍ (KGMOA) രംഗത്ത്. രോഗികളുടെ ജീവൻ കാക്കാൻ അഹോരാത്രം പ്രയത്നിക്കുന്ന ഡോക്ടർ സമൂഹത്തെ അപമാനിക്കുന്നതും നിയമ വ്യവസ്ഥയെ വെല്ലുവിളിക്കുന്നതുമാണ് പ്രസ്താവനയെന്ന് സംഘടന ആരോപിച്ചു.

ചികിത്സാ പിഴവുകൾ സംശയിക്കുന്ന സാഹചര്യങ്ങളിൽ രോഗികൾക്ക് അതിനായി വ്യവസ്ഥാപിതമായ നിയമ നടപടികൾ സ്വീകരിക്കാമെന്നിരിക്കേ ഡോക്ടർമാർ കയ്യേറ്റം ചെയ്യപ്പെടേണ്ടവരാണെന്ന രീതിയിൽ പ്രതികരിക്കുന്നത് നിയമം കയ്യിലെടുക്കാനും ശിക്ഷ വിധിക്കാനും സാമൂഹ്യ വിരുദ്ധരെ പ്രേരിപ്പിക്കുന്നതിന് തുല്യമാണ്. ആശുപത്രി ആക്രമണങ്ങൾക്കെതിരെ ഐഎംഎയുടെ നേതൃത്വത്തിൽ മാർച് 17 ന് സംസ്ഥാന വ്യാപകമായി പ്രഖ്യാപിച്ചിരിക്കുന്ന മെഡികൽ സമരത്തിലെ ആവശ്യങ്ങൾ കൂടുതൽ പ്രസക്തമാക്കുന്നതാണ് പരിപാവനമായ നിയമസഭയിൽ ഉണ്ടായ എംഎൽഎയുടെ പ്രതികരണം. < !- START disable copy paste -->