വാഹന രജിസ്ട്രേഷൻ ഇനി ഷോറൂമിൽ നിന്ന് ഞൊടിയിടയിൽ; ആധാർ നമ്പർ നൽകിയാൽ ഓട്ടോ അപ്രൂവൽ, ഉദ്യോഗസ്ഥരുടെ ഇടപെടൽ ഒഴിവാക്കി പുതിയ സംവിധാനം

തിരുവനന്തപുരം: (KVARTHA) സംസ്ഥാനത്ത് വാഹന രജിസ്ട്രേഷനും നമ്പർ പ്ലേറ്റും ലഭിക്കുന്നത് ഇനി ഞൊടിയിടയിലാകും. ഷോറൂമിൽ ഫീസും നികുതിയും അടയ്ക്കുന്നതിനൊപ്പം വാങ്ങുന്നയാളുടെ ആധാർ നമ്പർ കൂടി നൽകിയാണ് അതിവേഗ രജിസ്ട്രേഷൻ നടപടികൾ പൂർത്തിയാക്കുന്നത്. ഇതിലൂടെ ആധാർ ഡാറ്റാബേസിൽ നിന്ന് ഉടമയുടെ കൃത്യമായ വിവരങ്ങൾ ലഭിക്കും. ഈ വിവരങ്ങൾക്ക് സോഫ്റ്റ്‌വെയറിൽ നിന്ന് ഓട്ടോ അപ്രൂവൽ ലഭിക്കുന്നതോടെ വാഹന രജിസ്ട്രേഷൻ നടപടികൾ പൂർത്തിയാകും.

അഴിമതിക്ക് തടയിടും

പഴയ രീതി പ്രകാരം ഓൺലൈനായി നൽകുന്ന അപേക്ഷകൾ അസിസ്റ്റൻ്റ് വെഹിക്കിൾ ഇൻസ്പെക്ടർമാർ നേരിട്ട് പരിശോധിച്ചാണ് രജിസ്ട്രേഷൻ നടപടികൾ പൂർത്തിയാക്കിയിരുന്നത്. പുതിയ രീതിപ്രകാരം ഉദ്യോഗസ്ഥരുടെ യാതൊരുവിധ ഇടപെടലുമില്ലാതെ വിവരങ്ങൾ ശേഖരിച്ച് രജിസ്ട്രേഷൻ നടക്കുന്നതിനാൽ അഴിമതി നടക്കാനുള്ള സാധ്യതകളും വലിയ തോതിൽ കുറയും. വാഹന ഉടമയുടെ ആധാറിലെ വിലാസത്തിൽ നിന്ന് പോസ്റ്റ് ഓഫീസ് തിരിച്ചറിഞ്ഞ് വീടിൻ്റെ പരിസരത്തെ ആർടി ഓഫീസിലേക്ക് ഓട്ടോമാറ്റിക്കായി രജിസ്റ്റർ ചെയ്യുകയാണ് പുതിയ രീതിയിലൂടെ ചെയ്യുന്നത്.

പഴയ രീതി തുടരുന്നവർ

അതേസമയം ഫാൻസി നമ്പർ ബുക്ക് ചെയ്യുന്നവർക്കും ബോഡി നിർമിക്കേണ്ട വാഹനങ്ങൾക്കും പഴയപടി ഓഫീസിൽ നിന്നുതന്നെയാകും രജിസ്ട്രേഷൻ നൽകുക. പുതിയ വാഹനം വാങ്ങി ഷോറൂമിൽ ഫീസും നികുതിയും അടയ്ക്കുമ്പോൾ തന്നെ വാഹനം നിരത്തിലിറക്കാനാകും എന്നതാണ് പുതിയ രീതിയുടെ ഏറ്റവും വലിയ പ്രത്യേകത.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം. 

Article Summary: Kerala introduces a new rapid vehicle registration system at showrooms using Aadhaar integration for auto-approval, eliminating officer intervention except for fancy numbers and special vehicle bodies.

#Kvartha #VehicleRegistration #KeralaMVD #AadhaarIntegration #AutoApproval #TrivandrumNews #KeralaNews #MalayalamNews #AmmuNews