കണ്ണട വാങ്ങിയ ചെലവിലേക്ക് സ്പീക്കര്‍ എഴുതി വാങ്ങിയത് 49,900 രൂപ; ഡോക്ടര്‍ നിര്‍ദേശിച്ച ലെന്‍സിന് മാത്രമാണ് വില കൂടുതലെന്നും താന്‍ സെലക്ട് ചെയ്ത ഫ്രെയിമിന് 4,900 രൂപയേ ഉള്ളൂവെന്നും ശ്രീരാമകൃഷ്ണന്‍
Feb 3, 2018, 17:05 IST
ADVERTISEMENT
തിരുവനന്തപുരം: (www.kvartha.com 03.02.2018) കണ്ണട വാങ്ങിയ ചെലവിലേക്ക് വന്‍തുക എഴുതിവാങ്ങിയ സംഭവത്തില്‍ വിശദീകരണവുമായി സ്പീക്കര്‍ രംഗത്ത്. കണ്ണടക്ക് വിലകൂടിയ ലെന്‍സ് വാങ്ങാന്‍ നിര്‍ദേശിച്ചത് ഡോക്ടറാണെന്നും താന്‍ സെലക്ട് ചെയ്ത ഫ്രെയിമിന് 4,900 രൂപയേ ഉള്ളൂവെന്നും ശ്രീരാമകൃഷ്ണന്‍. അര ലക്ഷം രൂപ മുടക്കി കണ്ണട വാങ്ങിയതിന്റെ വിവരാവകാശ രേഖകള്‍ പുറത്തു വന്നതിന് പിന്നാലെയാണ് സ്പീക്കര്‍ വിശദീകരണം നല്‍കിയത്.
ഫ്രെയിമിന് 4,900 രൂപയും ലെന്‍സിന് 45,000 രൂപയുമാണ് കണ്ണട വാങ്ങിയ ചിലവിലേക്കായി സ്പീക്കര്‍ കൈപ്പറ്റിയത്. സര്‍ക്കാര്‍ ചിലവു കുറക്കാന്‍ നടപടിയുമായി മുന്നോട്ടു പോകുമ്പോള്‍ അംഗങ്ങള്‍ ധൂര്‍ത്തടിക്കുന്നുവെന്നാണ് വിമര്‍ശനമുയര്‍ന്നത്. അതേസമയം ചികിത്സാ ചിലവ് ധൂര്‍ത്തായി കണക്കാക്കാനാകില്ലെന്ന് ഗതാഗത മന്ത്രി എ കെ ശശീന്ദ്രനും അഭിപ്രായപ്പെട്ടു.
വിലകുറഞ്ഞ കണ്ണട വാങ്ങാന്‍ പറ്റിയ സാഹചര്യമല്ലായിരുന്നു. വില കൂടിയത് വാങ്ങിയാലേ പ്രശ്‌നം പരിഹരിക്കാനാകൂ എന്ന ഡോക്ടറുടെ നിര്‍ദേശം കൊണ്ട് അത് വാങ്ങേണ്ടി വന്നു. എനിക്ക് സെലക്ട് ചെയ്യാന്‍ പറ്റിയത് ഫ്രെയിമാണ്. അതിന് വില കുറവാണ്, സ്പീക്കര്‍ പറഞ്ഞു.
സ്പീക്കറുടെ കണ്ണട വിഷയം ഒറ്റപ്പെട്ട സംഭവമാണ്. എന്തു ചികിത്സ വേണമെന്നത് ഡോക്ടര്‍മാരാണ് നിശ്ചയിക്കുന്നത്. അത്യാവശ്യ ചെലവുകളായി കണക്കാക്കേണ്ടതാണ് അത്. ഈ സര്‍ക്കാര്‍ ധൂര്‍ത്തടിക്കുന്നുവെന്ന് വരുത്തിത്തീര്‍ക്കാനുള്ള ശ്രമമാണ് ഇതെന്നും എ കെ ശശീന്ദ്രന്‍ ആരോപിച്ചു.
Keywords: Kerala, Thiruvananthapuram, News, Politics, Kerala Speaker spends Rs.49,900 for specs
ഫ്രെയിമിന് 4,900 രൂപയും ലെന്‍സിന് 45,000 രൂപയുമാണ് കണ്ണട വാങ്ങിയ ചിലവിലേക്കായി സ്പീക്കര്‍ കൈപ്പറ്റിയത്. സര്‍ക്കാര്‍ ചിലവു കുറക്കാന്‍ നടപടിയുമായി മുന്നോട്ടു പോകുമ്പോള്‍ അംഗങ്ങള്‍ ധൂര്‍ത്തടിക്കുന്നുവെന്നാണ് വിമര്‍ശനമുയര്‍ന്നത്. അതേസമയം ചികിത്സാ ചിലവ് ധൂര്‍ത്തായി കണക്കാക്കാനാകില്ലെന്ന് ഗതാഗത മന്ത്രി എ കെ ശശീന്ദ്രനും അഭിപ്രായപ്പെട്ടു.
വിലകുറഞ്ഞ കണ്ണട വാങ്ങാന്‍ പറ്റിയ സാഹചര്യമല്ലായിരുന്നു. വില കൂടിയത് വാങ്ങിയാലേ പ്രശ്‌നം പരിഹരിക്കാനാകൂ എന്ന ഡോക്ടറുടെ നിര്‍ദേശം കൊണ്ട് അത് വാങ്ങേണ്ടി വന്നു. എനിക്ക് സെലക്ട് ചെയ്യാന്‍ പറ്റിയത് ഫ്രെയിമാണ്. അതിന് വില കുറവാണ്, സ്പീക്കര്‍ പറഞ്ഞു.
സ്പീക്കറുടെ കണ്ണട വിഷയം ഒറ്റപ്പെട്ട സംഭവമാണ്. എന്തു ചികിത്സ വേണമെന്നത് ഡോക്ടര്‍മാരാണ് നിശ്ചയിക്കുന്നത്. അത്യാവശ്യ ചെലവുകളായി കണക്കാക്കേണ്ടതാണ് അത്. ഈ സര്‍ക്കാര്‍ ധൂര്‍ത്തടിക്കുന്നുവെന്ന് വരുത്തിത്തീര്‍ക്കാനുള്ള ശ്രമമാണ് ഇതെന്നും എ കെ ശശീന്ദ്രന്‍ ആരോപിച്ചു.
Keywords: Kerala, Thiruvananthapuram, News, Politics, Kerala Speaker spends Rs.49,900 for specs
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
