Summer Class | 'മാനസിക പ്രശ്നങ്ങള്ക്ക് വഴിയൊരുക്കും'; വേനലവധി ക്ലാസുകള്ക്ക് സമ്പൂര്ണ നിരോധനം; ഉത്തരവ് സിബിഎസ്ഇ സ്കൂളുകള്ക്കും ബാധകമെന്ന് വിദ്യാഭ്യാസ വകുപ്പ്; നിയമം നടപ്പാക്കുന്നുണ്ടോയെന്ന് ഉറപ്പാക്കാന് ജില്ലാ വിദ്യാഭ്യാസ ഓഫീസര്ക്ക് നിര്ദേശം
May 4, 2023, 17:31 IST
ADVERTISEMENT
തിരുവനന്തപുരം: (www.kvartha.com) സംസ്ഥാനത്ത് കുട്ടികളുടെ വേനലവധി ക്ലാസുകള് പൂര്ണമായി നിരോധിച്ച് പൊതുവിദ്യാഭ്യാസ വകുപ്പ്. ഉത്തരവ് നടപ്പാക്കുന്നുണ്ടോയെന്ന് ഉറപ്പാക്കാന് ജില്ലാ വിദ്യാഭ്യാസ ഓഫീസര്ക്ക് നിര്ദേശം നല്കി. എല് പി മുതല് ഹയര് സെകന്ഡറി വരെയുള്ള എല്ലാ സ്കൂളുകളിലും നിരോധന ബാധകമാണ്.
വേനലവധിക്ക് കുഞ്ഞുങ്ങളെ പഠനത്തിനും പഠന കാംപുകള്ക്കും നിര്ബന്ധിക്കരുതെന്നാണ് പൊതുവിദ്യാഭ്യാസ വകുപ്പിന്റെ ഉത്തരവ്. സിബിഎസ്ഇ സ്കൂളുകള്ക്കും ഉത്തരവ് ബാധകമെന്ന് വിദ്യാഭ്യാസ വകുപ്പ് വ്യക്തമാക്കി. ഗവ. എയ്ഡഡ്, അണ് എയ്ഡഡ്, സി ബി എസ് ഇ, സി ഐ എസ് സി എന്നിങ്ങനെയുള്ള ഒരു വിദ്യാഭ്യാസ സ്ഥാപനങ്ങളും അവധിക്കാലത്ത് ക്ലാസുകള് നടത്തരുതെന്ന് സര്കാര് അനുശാസിക്കുന്നു.
പൊതുവിദ്യാഭ്യാസ ഡയറക്ടര് മറ്റു തരത്തിലുള്ള ഉത്തരവുകള് പുറപ്പെടുവിക്കാത്തപക്ഷം സ്കൂളുകള് മാര്ച് മാസത്തെ അവസാന പ്രവൃത്തിദിനത്തില് അടയ്ക്കേണ്ടതും ജൂണ് മാസത്തെ ആദ്യ പ്രവൃത്തി ദിനത്തില് തുറക്കേണ്ടതുമാണ്. ഈ വിഷയത്തില് അതത് അധ്യയന വര്ഷത്തേക്ക് സ്കൂള് കലന്ഡര് പൊതുവിദ്യാഭ്യാസ വകുപ്പ് പ്രസിദ്ധീകരിക്കുന്നുമുണ്ട്.
എന്നാല്, ഇതിനു വിരുദ്ധമായി സംസ്ഥാനത്ത് പല വിദ്യാലയങ്ങളും അവധിക്കാലത്ത് ക്ലാസുകള് നടത്തുന്നുണ്ട്. കുട്ടികളോടുള്ള ഇത്തരം സമീപനം അവരില് മാനസിക പ്രശ്നങ്ങള്ക്ക് വഴിയൊരുക്കുമെന്നും വേനല് ചൂട് ആരോഗ്യപ്രശ്നങ്ങള് സൃഷ്ടിക്കുമെന്നും പൊതുവിദ്യാഭ്യാസ വകുപ്പ് ചൂണ്ടിക്കാട്ടുന്നു.
Keywords: News, Kerala-News, Kerala, News-Malayalam, Vacation Class, Educational-News, Education, Students, Education Department, School, Kerala Public Education Department banned summer classes.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
