479 പേർ കൂടി സേനയിലേക്ക്; പാസിങ്‌ ഔട്ട് പരേഡ് തിങ്കളാഴ്ച ധർമ്മശാലയിൽ: മുഖ്യമന്ത്രി സല്യൂട്ട് സ്വീകരിക്കും

ധർമ്മശാല: (KVARTHA) ഒമ്പതുമാസത്തെ കഠിന പരിശീലനം പൂർത്തിയാക്കിയ 479 പേർ തിങ്കളാഴ്ച കേരള പോലീസിന്റെ ഭാഗമാകും. കെഎപി നാലാം ബറ്റാലിയൻ പരേഡ് ഗ്രൗണ്ടിൽ രാവിലെ 8.30ന് മുഖ്യമന്ത്രി പിണറായി വിജയൻ സല്യൂട്ട് സ്വീകരിക്കും. തുടർന്ന് സേനാംഗങ്ങൾ സത്യപ്രതിജ്ഞ എടുക്കും.

കെഎപി രണ്ട്, നാല് ബറ്റാലിയനുകളിലെ 479 പേരാണ് 210 ദിവസത്തെ കഠിന പരിശീലനം പൂർത്തിയാക്കിയത്. മികച്ച വിദ്യാഭ്യാസമുള്ളവരുടെ സേനയായ കേരള പോലീസ് പൊതുജനസേവന രംഗത്ത് സമാനതകളില്ലാത്ത മാതൃക തീർത്ത് കേരളത്തിന്റെ അഭിമാന സേനയായി മാറിക്കഴിഞ്ഞു.

പരിശീലനം പൂർത്തിയാക്കിയ ഈ സേനാംഗങ്ങൾക്ക് ഭരണഘടന, മനുഷ്യാവകാശങ്ങൾ, പോലീസ് നിയമങ്ങൾ, ക്രിമിനൽ നിയമങ്ങൾ, ക്രിമിനോളജി, ക്രിമിനലിസ്റ്റിക്സ്, ഫോറൻസിക് സയൻസ്, ഫോറൻസിക് മെഡിസിൻ, മെത്തേഡ് ഓഫ് ഇൻവെസ്റ്റിഗേഷൻ, കമ്പ്യൂട്ടർ പരിശീലനം, സൈബർ ക്രൈം, സൈബർ ഫോറൻസിക്, കമ്മ്യൂണിക്കേഷൻ ആൻഡ് പ്രസന്റേഷൻ സ്കിൽ, ടെലികമ്മ്യൂണിക്കേഷൻ, എസ്കോർട്ട് ഡ്യൂട്ടീസ്, വിവിഐപി ഡ്യൂട്ടി പരിശീലനം തുടങ്ങിയ ഇൻഡോർ വിഷയങ്ങളിൽ വിദഗ്ധരിൽ നിന്ന് പരിശീലനം ലഭിച്ചിട്ടുണ്ട്.

കേരള സംസ്ഥാന പോലീസ് മേധാവി, എഡിജിപി, ആംഡ് പോലീസ് ബറ്റാലിയൻ ഡിഐജി, കെഎപി 2, 4 ബറ്റാലിയൻ കമാൻഡന്റുമാർ എന്നിവർ പരേഡിൽ അഭിവാദ്യം സ്വീകരിക്കും.

ജില്ലയിലെ എംഎൽഎമാർ, എംപിമാർ, തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികൾ, കണ്ണൂർ റേഞ്ച് ഡിഐജി, കണ്ണൂർ സിറ്റി പോലീസ് കമ്മീഷണർ, ജില്ലാ കളക്ടർ തുടങ്ങിയവർ വിശിഷ്ടാതിഥികളായി പങ്കെടുക്കും.

ഈ വാർത്ത നിങ്ങളുടെ സുഹൃത്തുക്കളുമായി പങ്കുവെക്കൂ

Article Summary: Kerala Police adds 479 members after 9 months of training. CM Pinarayi Vijayan will take the salute at the passing out parade.

#KeralaPolice #PassingOutParade #PinarayiVijayan #Dharmashala #KAPBattalion #NewRecruits