Election Campaign | ക്ഷേത്രങ്ങളിലും പള്ളികളിലും അനുഗ്രഹം തേടി കെ സി വേണുഗോപാലിന്റെ തിരഞ്ഞെടുപ്പ് പ്രചാരണം പുരോഗമിക്കുന്നു

 

തുടര്‍ന്ന് ഹരിപ്പാട് സുബ്രഹ്‌മണ്യ സ്വാമി ക്ഷേത്രത്തില്‍ പ്രാര്‍ത്ഥന നടത്തി. ശ്രീ ആഞ്ജനേയ നവഗ്രഹ ദമ്പതി ക്ഷേത്രം, ഹരിപ്പാട് മണ്ണാറ ശാല നാഗരാജാ ക്ഷേത്രം എന്നിവിടങ്ങളിലും ദര്‍ശനം നടത്തി. ക്ഷേത്ര ഓഫീസും സന്ദര്‍ശിച്ചു. തുടര്‍ന്ന് മണ്ണാറശാല അമ്മയെ കണ്ട് അനുഗ്രഹം തേടി.

കേരള വര്‍മ്മ വലിയ കോയിത്തമ്പുരാന്റെ ഓര്‍മ്മകള്‍ ഉറങ്ങുന്ന അനന്തപുരം കൊട്ടാരം സന്ദര്‍ശിച്ച് അനന്തരാവകാശികളെ കണ്ട് വോട്ട് അഭ്യര്‍ത്ഥിച്ചു. ഹരിപ്പാട് കുമാരപുരം അഗ്‌നിശമനാ ഓഫീസില്‍ എത്തി ജീവനക്കാരെ കണ്ട് വോട്ട് അഭ്യര്‍ത്ഥിച്ചു. ഹരിപ്പാട് കുമാരപുരം പഞ്ചായത്തിലെ ചെന്നാട്ട് എസ് ടി കോളനി അംഗങ്ങളെ കണ്ട് സ്‌നേഹവിവരങ്ങള്‍ അന്വേഷിച്ച് വോട്ട് അഭ്യര്‍ത്ഥിച്ചു.

എസ് എന്‍ ഡി പി പൊത്തപ്പള്ളി ശാഖാ സംഘടിപ്പിച്ച ശ്രീനാരായണ ദിവ്യ പ്രബോധനത്തിലും ധ്യാനത്തിലും പങ്കെടുത്തു. കാര്‍ത്തികപള്ളി താലൂക് യൂണിയന്‍ എസ് എന്‍ ഡി പി യോഗം പ്രസിഡന്റ് അശോക പണിക്കരെ സന്ദര്‍ശിച്ചു. വന്ദികപ്പള്ളി ജംഗ്ഷനില്‍ ഹിദായത്തില്‍ ഇസ്ലാം സംഘത്തിലും സന്ദര്‍ശനം നടത്തി.

കാര്‍ത്തിക പള്ളി താലൂക് എന്‍ എസ് ജനറല്‍ സെക്രട്ടറി ചന്ദ്രശേഖര പിള്ളയെ സന്ദര്‍ശിച്ച ശേഷം മുട്ടം ജുമുഅ മസ്ജിദ്, ഓച്ചിറ ടൗണ്‍ ജുമുഅ മസ്ജിദ്, കരുനാഗപ്പള്ളി പുത്തന്‍തെരുവ് ഷരീഅത്തുല്‍ ഇസ്ലാം ജമാഅത്ത്, കരുനാഗപ്പള്ളി മുസ്ലിം ജമാഅത്ത് എന്നിവിടങ്ങളിലും സന്ദര്‍ശിച്ച് വോട്ട് അഭ്യര്‍ത്ഥിക്കുകയും ഇമാമിങ്ങളെ കണ്ട് അനുഗ്രഹം തേടുകയും ചെയ്തു.

ഉച്ച ഭക്ഷണത്തിന് ശേഷം കായംകുളം യു ഡി എഫ് തെരഞ്ഞെടുപ്പ് കമ്മിറ്റി ഓഫീസില്‍ എത്തി പ്രവര്‍ത്തകരുടെ സ്വീകരണം ഏറ്റുവാങ്ങി. ശ്രീ നാരായണ ഗുരു പഠനം നടത്തിയ പുതുപ്പള്ളി ചേവണ്ണൂര്‍ മഠം സന്ദര്‍ശിച്ചു. തുടര്‍ന്ന് കായംകുളം ടൗണ്‍ പള്ളി,മുസ്ലിം ജമാഅത്ത് ടൗണ്‍ പള്ളി, കായംകുളം മജ്ലിസ് യതീം ഖാന,എന്‍ എസ് സംസ്ഥാന വൈസ് പ്രസിഡന്റ് ഡോക്ടര്‍ ശശികുമാറിനെയും സന്ദര്‍ശിച്ചു സൗഹൃദം പങ്കുവച്ചു.

Keywords: KC Venugopal's election campaign is in progress, Alappuzha, News, KC Venugopal, Election Campaign, Lok Sabha Election, Politics, Visit, Temple, Musjid, Kerala News.