വനിതാവികസന കോര്പറേഷന് ചെയര്പേഴ്സനായി കെ സി റോസക്കുട്ടി ജനുവരി 7 ന് ചുമതലയേല്ക്കും
Jan 2, 2022, 18:35 IST
ADVERTISEMENT
തിരുവനന്തപുരം: (www.kvartha.com 02.02.2022) കേരള സംസ്ഥാന വനിതാ വികസന കോര്പറേഷന്റെ പുതിയ ചെയര്പേഴ്സനായി കെ സി റോസക്കുട്ടി ഈ മാസം ഏഴിന് ചുമതലയേല്ക്കും. രാവിലെ 11 മണിക്ക് കിഴക്കേകോട്ടയിലെ ആസ്ഥാന ഓഫിസില് വെച്ചാണ് ചുമതലയേല്ക്കുക. കെ എസ് സലീഖ സ്ഥാനമൊഴിഞ്ഞതോടെയാണ് കെ സി റോസക്കുട്ടിയെ ചെയര്പേഴ്സനായി സര്കാര് നിയമിച്ചത്. സുല്ത്താന് ബത്തേരി മുന് എംഎല്എയും, സംസ്ഥാന വനിതാ കമിഷന് ചെയര്പേഴ്സനുമായിരുന്നു കെ സി റോസക്കുട്ടി.
കഴിഞ്ഞ അഞ്ചു വര്ഷക്കാലയളവില് വനിതാശാക്തീകരണത്തില് സംസ്ഥാന സര്കാരിന് വേണ്ടി മുഖ്യപങ്ക് വഹിച്ച വനിതാ വികസന കോര്പറേഷന് 600 കോടിയലധികം രൂപയാണ് വിവിധ പദ്ധതികള് വഴി വനിതാ ശാക്തീകരണത്തിനായി നല്കിട്ടുള്ളത്. കോവിഡ് കാലത്ത് നടപ്പാക്കിയ സ്മൈല് പദ്ധതി, നൈപുണ്യ വികസനം, സ്ത്രീ സുരക്ഷ പദ്ധതികള് ഉള്പെടെ നടപ്പിലാക്കി വരുന്നു.
വിവിധ ദേശീയ ധനകാര്യ വികസന കോര്പറേഷനുകളുടെ കേരളത്തിലെ ചാനലൈസിംഗ് ഏജന്സിയായും വനിതാ വികസന കോര്പറേഷന് പ്രവര്ത്തിച്ച് വരികയാണ്.
Keywords: KC Rosakutty will be the chairperson of the Women Development Corporation, Thiruvananthapuram, News, Women, MLA, Politics, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
