Complaint | യുവതിയെ ഭര്തൃവീട്ടില് മരിച്ച നിലയില് കണ്ടെത്തിയ സംഭവത്തില് ഭര്ത്താവിനെതിരെ ആരോപണവുമായി കുടുംബം
Dec 10, 2023, 16:15 IST
കാസര്കോട്: (KVARTHA) ബേഡകത്ത് യുവതിയെ ഭര്തൃ വീട്ടില് തൂങ്ങിമരിച്ച നിലയില് കണ്ടെത്തിയ സംഭവത്തില് ഭര്ത്താവിനെതിരെ ഗുരുതര ആരോപണവുമായി കുടുംബം. പള്ളിക്കര സ്വദേശി മുര്സീനയാണ് കഴിഞ്ഞ തിങ്കളാഴ്ച മരിച്ചത്. ഭര്തൃ വീട്ടിലെ കിടപ്പുമുറിയിലാണ് യുവതിയെ തൂങ്ങിമരിച്ച നിലയില് കണ്ടെത്തിയത്. മകള് ആത്മഹത്യ ചെയ്യില്ലെന്ന് മാതാപിതാക്കള് പറഞ്ഞു.
മുര്സീനയുടെ മരണം കൊലപാതകമാണെന്നാണ് ബന്ധുക്കളുടെ ആരോപണം. സ്ത്രീധനത്തിന്റെ പേരില് ഭര്ത്താവ് അസ്കറും മാതാപിതാക്കളും നിരന്തരം പീഡിപ്പിച്ചിരുന്നതായി മുര്സീന മുന്പും പരാതി പറഞ്ഞിരുന്നുവെന്നും മകളുടെ മരണം തങ്ങളെ വൈകിയാണ് അറിയിച്ചതെന്നും, അതില് അസ്വാഭാവികത ഉണ്ടെന്നും കുടുംബം ആരോപിക്കുന്നു. ഇത് സംബന്ധിച്ച് കാഞ്ഞങ്ങാട് ഡി വൈ എസ് പി ക്ക് കുടുംബം പരാതി നല്കി.
അതേസമയം, പോസ്റ്റുമോര്ടം റിപോര്ട് ലഭിച്ചാല് മാത്രമേ യുവതിയുടെ മരണകാരണത്തില് വ്യക്തത ലഭിക്കൂവെന്നാണ് പൊലീസ് പറയുന്നത്. 2020ലായിരുന്നു അസ്കറുമായുള്ള മുര്സീനയുടെ വിവാഹം. ഇരുവര്ക്കും രണ്ട് വയസുള്ള ഒരു മകളുണ്ട്.
Keywords: News, Kerala, Kerala-News, Kasaragod-News, Police-News, Kasargod News, Bedakam News, Woman, Found Dead, Husband, House, Relatives, Alleged, Killed, Kasargod: Bedakam woman found dead in husband's house, relatives alleged that murder.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
