Road Accident | കുറ്റിക്കോല്‍ പാലത്തിന് സമീപം ചെങ്കല്‍ ലോറി തലകീഴായി മറിഞ്ഞ് അപകടം; ദേശീയപാതയില്‍ ഗതാഗതം മുടങ്ങി
Aug 1, 2023, 17:10 IST
തളിപ്പറമ്പ്: (www.kvartha.com) കുറ്റിക്കോലില്‍ പാലത്തിന് സമീപം ചെങ്കല്‍ ലോറി തലകീഴായി മറിഞ്ഞ് അപകടം. കണ്ണൂര്‍- കാസര്‍കോട് ദേശീയപാതയിലാണ് സംഭവം. ഡ്രൈവറും ലോഡിങ്ങ് തൊഴിലാളിയും അത്ഭുതകരമായി രക്ഷപ്പെട്ടു.
ചൊവ്വാഴ്ച (01.08.2023) ഉച്ചയോടെയാണ് അപകടം നടന്നത്. ചെങ്കല്‍ കല്ലുകള്‍ റോഡില്‍ ചിതറിവീണതോടെ ദേശീയപാതയില്‍ ഏറെനേരം ഗതാഗതം മുടങ്ങി. പൊലീസും സമീപവാസികളും അഗ്നിരക്ഷാസേനയുമെത്തിയാണ് രക്ഷാപ്രവര്‍ത്തനം നടത്തിയത്.
മഴ കനത്തതോടെ ദേശീയപാതയില്‍ കഴിഞ്ഞ കുറെ ദിവസങ്ങളായി അപകടപരമ്പരയാണ് നടന്നുവരുന്നത്. വാഹനങ്ങളുടെ അമിതവേഗതയും അപകടത്തിന് കാരണമാകുന്നുണ്ടെന്ന് പ്രദേശവാസികള്‍ പറഞ്ഞു.
Keywords: News, Kerala, Kerala-News, Regional-News, Accident-News, Kannur, Kuttikol, Lorry Overturned, Traffic Disrupted, National Highway, Accident, Kannur: Lorry overturned and disrupted traffic on national highway.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
