Kannur Airport | കണ്ണൂര്‍ രാജ്യാന്തര വിമാനത്താവളത്തില്‍ നിന്നുളള വേനല്‍ക്കാല ഷെഡ്യൂള്‍ പ്രഖ്യാപിച്ചു

കണ്ണൂര്‍: (KVARTHA) കണ്ണൂര്‍ രാജ്യാന്തര വിമാനത്താവളത്തില്‍ നിന്നുള്ള വേനല്‍ക്കാല വിമാനങ്ങളുടെ സമയക്രമം പ്രഖ്യാപിച്ചു. അബൂദബി, ദുബൈ, ശാര്‍ജ, റാസല്‍ ഖൈമ, ദമ്മാം, ദോഹ, മസ്ഖത്, റിയാദ്, ജിദ്ദ, കുവൈത്, മനാമ തുടങ്ങിയ വിദേശ നാടുകളിലേക്ക് കൂടുതല്‍ യാത്ര സൗകര്യപ്രദമാക്കുന്ന വിധത്തിലാണ് സര്‍വീസുകള്‍ സജ്ജമാക്കിയിട്ടുള്ളതെന്ന് കിയാല്‍ എംഡി അറിയിച്ചു.

റാസല്‍ ഖൈമയിലേക്കും ദമ്മാമിലേക്കും എയര്‍ ഇന്‍ഡ്യ എക്‌സ്പ്രസ് പുതിയ രണ്ട് റൂടുകള്‍ തുടങ്ങിയിട്ടുണ്ട്. ആഴ്ചയില്‍ മൂന്ന് സര്‍വീസുകളായിരിക്കും ഉണ്ടാവുക. ശാര്‍ജ, അബൂദബി, മസ്ഖത് എന്നിവിടങ്ങളിലേക്കുള്ള സര്‍വീസുകളും കൂട്ടിയിട്ടുണ്ട്. സലാല, സിങ്കപ്പൂര്‍, ക്വലാലംപൂര്‍ എന്നിവിടങ്ങളിലേക്ക് സര്‍വീസുകള്‍ ആരംഭിക്കാനും പദ്ധതിയുണ്ട്. ഇതോടെപ്പം ആഭ്യന്തര വിമാന സര്‍വീസുകളിലും മാറ്റമുണ്ടെന്ന് കിയാല്‍ അധികൃതര്‍ അറിയിച്ചു.