Passenger Died | കണ്ണൂരില്‍ ട്രെയിനില്‍നിന്ന് വീണ് ചേര്‍ത്തല സ്വദേശിയായ യാത്രക്കാരന് ദാരുണാന്ത്യം
Jun 29, 2023, 11:28 IST
ADVERTISEMENT
കണ്ണൂര്‍: (www.kvartha.com) കാസര്‍കോട് നിന്നും തിരുവനന്തപുരത്തേക്ക് പോകുകയായിരുന്ന മാവേലി എക്‌സ്പ്രസില്‍ നിന്ന് വീണ് എടക്കാട് നടാലില്‍ നിന്നും കയറിയ ആലപ്പുഴ സ്വദേശിയായ യാത്രക്കാരന് മരിച്ചു. ചേര്‍ത്തല കണ്ണങ്കര തണ്ണീര്‍മുക്കം സ്വദേശി മാത്യു ജോസഫ് (60) ആണ് മരിച്ചത്.
ട്രെയിന്‍ കണ്ണൂര്‍ വിട്ടപ്പോള്‍ മാത്യു ശുചിമുറിയില്‍ പോയിരുന്നതായും മടങ്ങി വരുമ്പോഴാണ് തോട്ടട നടാലില്‍ എത്തിയപ്പോള്‍ അപകടം സംഭവിച്ചതെന്നും ബന്ധുക്കള്‍ പൊലീസിനോട് പറഞ്ഞു. ചൊവ്വാഴ്ചയാണ് ഇവര്‍ കാഞ്ഞങ്ങാട് ഒരു ചടങ്ങില്‍ പങ്കെടുക്കാന്‍ എത്തിയത്. വൈകുന്നേരത്തേ മാവേലി എക്‌സ്പ്രസില്‍ മടങ്ങുമ്പോഴാണ് അപകടമുണ്ടായത്.
പരേതയായ ജിനയാണ് മാത്യുവിന്റെ ഭാര്യ. മക്കള്‍ ടിനോ, ടിന്യ. മരുമക്കള്‍ - വിപിന്‍, ഡെന്‍സി. മൃതദേഹം എടക്കാട് പൊലീസ് ഇന്‍ക്വസ്റ്റ് നടത്തി കണ്ണൂര്‍ ജില്ലാ ആശുപത്രി മോര്‍ചറിയിലേക്ക് മാറ്റി. എടക്കാട് പൊലീസ് അസ്വാഭാവികമരണത്തിന് കേസെടുത്ത് അന്വേഷണമാരംഭിച്ചു.
Keywords: News, Kerala, Kerala-News, Accident-News, Kannur, Cherthala Native, Passenger Died, Train, Accidental Death, Kannur: Cherthala native died after falling from train.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
