മട്ടന്നൂർ: (KVARTHA) തീർഥാടനങ്ങൾ ആത്മീയമായ ഉണർവ് നൽകുന്നതിനൊപ്പം ഒത്തുചേരലിന്റെയും പരസ്പര സ്നേഹത്തിന്റെയും സന്ദേശം കൂടി പ്രചരിപ്പിക്കേണ്ടതുണ്ടെന്ന് മുഖ്യമന്ത്രി പിണറായി വിജയൻ അഭിപ്രായപ്പെട്ടു. 

കണ്ണൂർ അന്താരാഷ്ട്ര വിമാനത്താവളത്തിൽ നിർമ്മിക്കുന്ന ഹജ്ജ് ഹൗസിന്റെ ശിലാസ്ഥാപനവും സംസ്ഥാനതല ഹജ്ജ് ക്യാമ്പിന്റെ ഉദ്ഘാടനവും നിർവഹിച്ച് സംസാരിക്കുകയായിരുന്നു അദ്ദേഹം. 

ലോകത്തിന്റെ വിവിധ ഭാഗങ്ങളിൽ നിന്നും വ്യത്യസ്ത പശ്ചാത്തലങ്ങളിൽ നിന്നും ആയിരക്കണക്കിന് ആളുകളാണ് ഓരോ തീർത്ഥാടന കേന്ദ്രങ്ങളിലും സംഗമിക്കുന്നത്. 

ഈ ഒത്തുചേരലിന്റെ പ്രാധാന്യം ഉൾക്കൊണ്ട് വെറുപ്പും വിവേചന ചിന്തകളും ഇല്ലാതെ മനുഷ്യരെല്ലാവരും സഹോദര്യത്തോടെയും ഐക്യത്തോടെയും ജീവിക്കാൻ ഓരോ തീർത്ഥാടനവും പ്രചോദനമാകണമെന്നും മുഖ്യമന്ത്രി ഓർമ്മിപ്പിച്ചു. 

അടുത്ത ഹജ്ജ് കാലത്തിനു മുൻപ് തന്നെ ഹജ്ജ് ഹൗസിന്റെ നിർമ്മാണം പൂർത്തിയാക്കാൻ സാധിക്കുമെന്നാണ് പ്രതീക്ഷിക്കുന്നതെന്നും അദ്ദേഹം കൂട്ടിച്ചേർത്തു. 

ഹജ്ജ് വകുപ്പ് മന്ത്രി വി. അബ്ദുറഹ്മാൻ ചടങ്ങിൽ അധ്യക്ഷത വഹിച്ചു. രാമചന്ദ്രൻ കടന്നപ്പള്ളി ബോർഡിംഗ് പാസ് വിതരണവും കെ.കെ. ശൈലജ എം.എൽ.എ യാത്രാരേഖകളുടെ കൈമാറ്റവും നിർവ്വഹിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. ഹജ്ജ് യാത്രയെക്കുറിച്ചുള്ള അനുഭവങ്ങൾ കമന്റ് ചെയ്യുക. വാർത്ത മറ്റുള്ളവരിലേക്ക് എത്തിക്കാൻ ഷെയർ ചെയ്യുക.

Article Summary: Chief Minister Pinarayi Vijayan inaugurated the construction of the Hajj House and the state-level Hajj camp at Kannur International Airport, emphasizing the message of unity and brotherhood.

#KannurAirport, #HajjHouse, #PinarayiVijayan, #HajjCamp, #KeralaNews, #Pilgrimage