ഉത്രാ­ട­പാ­ച്ചി­ലി­നിടെ കണ്ണ­യ്യന്റെ പരക്കംപാച്ചില്‍ രക്ഷി­ച്ചത് നിര­വധി ജീവ­നു­കള്‍

അ­പ­ക­ട­ത്തില്‍ പൊ­ട്ടി­ത്തെ­റി­ച്ച ടാ­ങ്ക­റി­ന്റെ ഭാഗം

ക­ണ്ണൂര്‍: നാടെങ്ങും ഓണ­ത്തിനു മുമ്പുള്ള ഉത്രാട പാച്ചിലിലാ­യി­രുന്ന നേരത്ത് കണ്ണ­യ്യ­നെന്ന തമി­ഴ്‌നാട് സ്വദേശി നട­ത്തി­യത് ജീവന്‍ രക്ഷി­ക്കാ­നുള്ള പര­ക്കം­പാ­ച്ചില്‍. ടാ­ങ്കര്‍ ലോ­റി ഡി­വൈ­ഡ­റില്‍ ത­ട്ടി മ­റി­ഞ്ഞ­യു­ടന്‍ ത­ന്നെ അ­തില്‍ നി­ന്ന് ഇ­റ­ങ്ങി ഗ്യാ­സ് ചോ­രു­ന്ന­താ­യും പൊ­ട്ടി­ത്തെ­റി­ക്ക് സാ­ധ്യ­ത­യു­ണ്ടെ­ന്നും സ­മീ­പ­വാ­സി­ക­ളെ അ­റി­യി­ച്ച­ത് ക­ണ്ണ­യ്യന്‍ ത­ന്നെ­യാ­യി­രു­ന്നു.­


ദുര­ന്ത­ത്തിന്റെ വ്യാപ്തി കുറ­ച്ചതും കണ്ണ­യ്യന്റെ അവ­സ­രോ­ചി­ത­മായ ഇട­പെ­ട­ലാ­ണ്. കണ്ണ­യ്യന്‍ ടാങ്കര്‍ മറി­ഞ്ഞ­യു­ടന്‍ പുറ­ത്തി­റങ്ങി പരി­ശോ­ധന നടത്തി. അപ്പോ­ഴാണ് ഗ്യാസ് ചോരു­ന്നു­ണ്ടെന്ന് അദ്ദേ­ഹ­ത്തിന് മന­സി­ലാ­യ­ത്. സ്വന്തം ജീവന്‍ രക്ഷി­ക്കാ­നുള്ള വ്യഗ്ര­ത­യ്‌ക്കൊപ്പം അദ്ദേഹം സമീ­പ­മുള്ള വീടു­ക­ളി­ലേക്ക് ഓടി­ക്ക­യ­റി. അതിനു ശേഷം അവ­രോ­ടെല്ലാം വീട്ടില്‍ നിന്നും ഇറങ്ങി ഓടി രക്ഷ­പെട്ടോ എന്ന് അല­മു­റ­യി­ട്ടു.

വഴി­യില്‍ കണ്ട എല്ലാ­വ­രോടും വിവരം പറ­യാനും കണ്ണ­യ്യന് നിമിഷ നേരമേ വേണ്ടി­വ­ന്നു­ള്ളു. അറി­യാ­വുന്ന ഭാഷ­യില്‍ നിന്നും വ്യത്യ­സ്ത­മായി മുറി­മ­ല­യാ­ള­ത്തി­ലാണ് കണ്ണ­യ്യന്‍ അപ­ക­ട­വാര്‍ത്ത എല്ലാ­വ­രോടും വിളി­ച്ചു­പ­റ­ഞ്ഞ­ത്. ആദ്യ­മൊന്നു പക­ച്ചെ­ങ്കിലും ഗ്യാസിന്റെ മണം പര­ന്ന­ത്തോടെ സ്ത്രീകളും കുട്ടി­കളും വീടു­ക­ളില്‍ നിന്നും പുറ­ത്തേ­ക്കി­റ­ങ്ങി­യോ­ടി. നിമി­ഷ­ങ്ങള്‍ക്ക­കം­തന്നെ ആ വീടു­കള്‍ പൂര്‍ണ­മായും കത്തി­യ­മര്‍ന്നു. എന്നാല്‍ കണ്ണ­യ്യനെ ഇനിയും ആരും കണ്ടെ­ത്തി­യി­ട്ടി­ല്ല. ഇ­യാ­ളു­ടെ ബാ­ഗ് പോ­ലീ­സ് ക­ണ്ടെ­ടു­ത്തു. ലോറി ഡ്രൈവ­റായ കണ്ണ­യ്യന്‍ അപ­ക­ട­ത്തില്‍ നിന്നും രക്ഷ­പെട്ടോ എന്ന് ഇനിയും വ്യക്ത­മാ­യി­ട്ടി­ല്ല.

-ജോസഫ് പ്രിയന്‍