Court | കണ്ണപുരം റിജിത് വധം: സാക്ഷിയായ പൊലീസ് ഉദ്യോഗസ്ഥനെ കോടതി വിസ്തരിച്ചു

തലശേരി: (www.kvartha.com) കണ്ണപുരം ചുണ്ടയിലെ ഡി വൈ എഫ് ഐ പ്രവര്‍ത്തകന്‍ റിജിതിനെ കൊലപ്പെടുത്തിയെന്ന കേസില്‍ ഇരുപത്തിയേഴാം സാക്ഷിയായ അന്നത്തെ വളപട്ടണം സി ഐ ടി പി പ്രേമരാജനെ തലശേരി അഡീഷനല്‍ ജില്ലാകോടതി ജഡ്ജ് റൂബി കെ ജോസ് മുന്‍പാകെ വിസ്തരിച്ചു. 2005- ഒക്ടോബര്‍ മൂന്നിന് രാത്രി ഏഴേമുക്കാലിനാണ് റിജിതിനെ ആര്‍ എസ് എസ് പ്രവര്‍ത്തകരായ പത്തംഗ സംഘം അക്രമിച്ചു കൊലപ്പെടുത്തിയത്.

കേസിലെ മൂന്നാം പ്രതി പിന്നീട് വാഹനാപകടത്തില്‍ മരിച്ചിരുന്നു. റിജിതിനെ കൊലപ്പെടുത്തുന്നതിനിടെ അക്രമികളായ രണ്ടു പേര്‍ക്ക് പരുക്കേറ്റിരുന്നു. വീട്ടിലേക്ക് സുഹൃത്തുക്കള്‍ക്കൊപ്പം നടന്നുപോകുന്നതിനിടെയാണ് ഡി വൈ എഫ് ഐ പ്രവര്‍ത്തകനായ റിജിതിനെ അക്രമികള്‍ കൊലപ്പെടുത്തിയത്. പ്രതികള്‍ക്കുവേണ്ടി അഡ്വ. ഇ ഈശ്വരന്‍, പി പ്രേമരാജന്‍, ടി സുനില്‍കുമാര്‍ എന്നിവരാണ് ഹാജരാകുന്നത്.