K Surendran | കെ ടി ജയകൃഷ്ണനെ കൊന്നത് സി പി എമിന് തിരിച്ചടിയായെന്ന് കെ സുരേന്ദ്രന്‍

കേരളത്തിലെ മാര്‍ക്സിസ്റ്റു പാര്‍ടിയുടെ ഇന്നത്തെ അവസ്ഥയെന്താണെന്ന് നോക്കണം. ജയകൃഷ്ണനെ കൊന്നുതള്ളുമ്പോള്‍ അവര്‍ക്കുണ്ടായിരുന്ന അഹങ്കാരം, ജനങ്ങളിലുണ്ടായിരുന്ന അധീശത്വം ഇന്ന് എവിടെയാണ് അവര്‍ വന്നു നില്‍ക്കുന്നത്. അവരുടെ മുദ്രാവാക്യങ്ങള്‍ ഏതാശയങ്ങള്‍ക്കു വേണ്ടിയാണോ അവര്‍ പോരാടിയിട്ടുള്ളത്, മുദ്രാവാക്യം വിളിച്ചിട്ടുള്ളത്, ആ ആശയങ്ങളെല്ലാം എവിടെ പോയിരുന്നു.

ഡി വൈ എഫ് ഐ യുടെ ഏറ്റവും വലിയ മുദ്രാവാക്യമായിരുന്നില്ലേ തൊഴിലില്ലാത്തവര്‍ക്കു തൊഴില്‍ എന്നത് എത്രമാത്രം മുദ്രാവാക്യങ്ങളാണ് അവര്‍ വിളിച്ചിട്ടുള്ളത്. എന്തുമാത്രം സമരമാണ് അവര്‍ നടത്തിയിട്ടുള്ളത്. പിണറായി വിജയന്‍ മുഖ്യമന്ത്രിയായി അധികാരത്തിലേറുമ്പോള്‍ വാഗ്ദാനം ചെയ്തതല്ലേ അഞ്ചുവര്‍ഷം കൊണ്ടു പത്തുലക്ഷം പേര്‍ക്ക് തൊഴില്‍ എന്നത്. അതെവിടെ പോയെന്നും കെ സുരേന്ദ്രന്‍ ചോദിച്ചു.

എം വി രാഘവന്റെ ചരമവാര്‍ഷികവും ഏതാനും ദിവസങ്ങള്‍ക്കു മുന്‍പു സിപിഎം നേതാക്കള്‍ ഉദ്ഘാടനം ചെയ്യുകയാണ്. ആരാണോ ഡി വൈ എഫ് ഐക്കാരെ കൂത്തുപറമ്പില്‍ വെടിവച്ചുകൊന്നത് അതേ ആളുകള്‍ക്കായി സിപിഎം പരിപാടികള്‍ സംഘടിപ്പിക്കുകയാണെന്നും കെ സുരേന്ദ്രന്‍ പറഞ്ഞു. കണ്ണൂര്‍ പ്രഭാത് ജന്‍ക്ഷനില്‍ നിന്നും തുടങ്ങിയ ബഹുജനറാലി കലക്ടറേറ്റ് മൈതാനിയില്‍ സമാപിച്ചു. സ്ത്രീകളും കുട്ടികളുമുള്‍പെടെ ആയിരക്കണക്കിനാളുകള്‍ പങ്കെടുത്തു.

തുടര്‍ന്ന് നടന്ന പൊതുസമ്മേളനം യുവമോര്‍ച അഖിലേന്‍ഡ്യാ അധ്യക്ഷന്‍ തേജസ്വി സൂര്യ ഉദ്ഘാടനം ചെയ്തു. ജില്ലാ അധ്യക്ഷന്‍ മനോജ് പൊയിലൂര്‍ അധ്യക്ഷനായി. സംസ്ഥാന അധ്യക്ഷന്‍ പ്രഫുല്‍ കൃഷ്ണ, ബിജെപി നേതാക്കളായ പികെ കൃഷ്ണദാസ്, കെ രഞ്ജിത്, എന്‍ ഹരിദാസ് തുടങ്ങിയവര്‍ പ്രസംഗിച്ചു.

Keywords: K Surendran against CPM, Kannur, News, Politics, BJP, K Surendran, Criticism, CPM, Kerala.