K Sudhakaran | ലാവ്‌ലിന്‍ ഇടപാടില്‍ മുഖ്യമന്ത്രി പിണറായി വിജയന്‍ ഉണ്ടാക്കിയ പണം സി പി എമിന് നല്‍കിയെന്ന ആരോപണവുമായി കെ സുധാകരന്‍

പിണറായി എന്റെ ജില്ലക്കാരനാണ്. ഞങ്ങള്‍ സഹപാഠികളായിരുന്നു. അന്ന് പിണറായി ഇത്രത്തോളം മോശമായിരുന്നില്ല. ലാവ് ലിന്‍ കേസില്‍ വിധി പറയരുതെന്ന് ജഡ്ജിമാര്‍ക്ക് ഭരണകൂടത്തിന്റെ നിര്‍ദേശമുണ്ട്. ജഡ്ജിമാര്‍ക്ക് ഭയമാണെന്നും സുധാകരന്‍ പറഞ്ഞു. തൃശൂര്‍ ജില്ലാ കോണ്‍ഗ്രസ് പ്രവര്‍ത്തക സമിതി യോഗത്തില്‍ സംസാരിക്കുകയായിരുന്നു കെ സുധാകരന്‍.

കോണ്‍ഗ്രസ് സംഘടനാ ശേഷി ശക്തിപ്പെടുത്തേണ്ടത് അനിവാര്യമാണെന്നും സുധാകരന്‍ ചൂണ്ടിക്കാട്ടി. ലോക് സഭ തിരഞ്ഞെടുപ്പ് മുന്നില്‍ കണ്ട് ഇടത്പക്ഷം എണ്ണയിട്ട യന്ത്രം പോലെയാണ് പ്രവര്‍ത്തിക്കുന്നത്. എന്നാല്‍ അവരുടെ മുന്നില്‍ കോണ്‍ഗ്രസ് ഒന്നുമല്ലാതെയായി പോകുന്നു. കേന്ദ്രത്തിലും സംസ്ഥാനത്തിലും കോണ്‍ഗ്രസിന് അനുകൂലമായ രാഷ്ട്രീയ സാഹചര്യം ഉപയോഗപ്പെടുത്തണമെന്നും സുധാകരന്‍ അണികളോട് പറഞ്ഞു.