K Sudhakaran | 'സിപിഎമ്മിന്റെ അശ്ലീല സെക്രടറി ഇരിക്കുന്ന സ്ഥാനത്തിന്റെ മാന്യതയെങ്കിലും കാണിക്കണം'; എംവി ഗോവിന്ദനെതിരെ രൂക്ഷവിമര്ശനവുമായി കെ സുധാകരന്
Jun 19, 2023, 13:56 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com) സിപിഎം സംസ്ഥാന സെക്രടറി എംവി ഗോവിന്ദനെതിരെ ഫേസ്ബുകിലൂടെ രൂക്ഷവിമര്ശനവുമായി കെപിസിസി അധ്യക്ഷന് കെ സുധാകരന്. സിപിഎമ്മിന്റെ 'അശ്ലീല' സെക്രടറി, ഇരിക്കുന്ന സ്ഥാനത്തിന്റെ മാന്യതയെങ്കിലും കാണിക്കണമെന്ന് പറയണമെന്ന്. എന്നാല് ആ സ്ഥാനത്തിന്റെ നിലവാരം തന്നെയാണ് ഗോവിന്ദന് ഇപ്പോള് കാണിക്കുന്നതെന്നും സുധാകരന് ഫേസ്ബുകില് കുറിച്ചു.
ഞരമ്പ് രോഗികളായ കമ്യൂനിസ്റ്റ് അടിമകള് മാത്രമല്ല, 'മാന്യമായി' ജീവിക്കുന്ന ബാക്കിയുള്ള ജനങ്ങളും താങ്കളെ കേള്ക്കുന്നുണ്ടെന്ന് വെറുതെയെങ്കിലുമൊക്കെ ഓര്ക്കുക. പൊലീസും കേസുമൊക്കെ കാണിച്ചു വിരട്ടിയാല് കേന്ദ്രത്തിലെ യജമാനന്റെ കാലില് വീഴുന്നൊരു പിണറായി വിജയനെ പരിചയമുണ്ടാകും. ആ തുലാസ്സും കൊണ്ട് മറ്റുള്ളവരെ അളക്കാന് വരരുതെന്നും സുധാകരന് പറഞ്ഞു.
കെ സുധാകരന്റെ ഫേസ്ബുക് കുറിപ്പ്:
'സിപിഎമ്മിന്റെ 'അശ്ലീല' സെക്രട്ടറിയോടാണ്..
ഇരിക്കുന്ന സ്ഥാനത്തിന്റെ മാന്യതയെങ്കിലും കാണിക്കണമെന്ന് താങ്കളോട് പറയണമെന്നുണ്ട്. പക്ഷേ ഒന്നോര്ത്താല് ആ സ്ഥാനത്തിന്റെ നിലവാരം തന്നെയാണ് താങ്കള് ഇപ്പോള് കാണിക്കുന്നതും!
ആന്തൂരിലെ സാജനെ 'കൊന്ന' ശേഷം, അയാളുടെ ഭാര്യക്ക് അവിഹിത ബന്ധമുണ്ടെന്ന് ആരോപിച്ച ശ്യാമളയുടെ ഭര്ത്താവിനോട് 'മാന്യത' കാണിക്കണമെന്ന് പറയുന്നത് ഒരല്പം കടന്ന കൈയ്യാണ്. എന്നാലും.... ഞരമ്പ് രോഗികളായ കമ്മ്യൂണിസ്റ്റ് അടിമകള് മാത്രമല്ല, 'മാന്യമായി' ജീവിക്കുന്ന ബാക്കിയുള്ള ജനങ്ങളും താങ്കളെ കേള്ക്കുന്നുണ്ടെന്ന് വെറുതെയെങ്കിലുമൊക്കെ ഓര്ക്കുക.
തലച്ചോറില് അശ്ലീലം നിറച്ചൊരു 'തനി' ദേശാഭിമാനി ലേഖകനായി ഇത്ര പെട്ടെന്ന് താങ്കള് അധഃപതിക്കുമെന്ന് ഞാന് വിചാരിച്ചിരുന്നില്ല. എന്താണ് ഗോവിന്ദന്? ഇതാണോ രാഷ്ട്രീയം? അല്പമെങ്കിലും സംസ്കാരത്തോടെ രാഷ്ട്രീയ ആരോപണങ്ങള് ഉന്നയിക്കാന് നിങ്ങള്ക്കും സിപിഎമ്മിനും നാളിതുവരെയും കഴിയാതെ പോകുന്നത് എന്തുകൊണ്ടാണ്?
പോലീസും കേസുമൊക്കെ കാണിച്ചു വിരട്ടിയാല് ഉടന് തന്നെ കേന്ദ്രത്തിലെ യജമാനന്റെ കാലില് വീഴുന്നൊരു പിണറായി വിജയനെ താങ്കള്ക്ക് പരിചയമുണ്ടാകും. ആ തുലാസ്സും കൊണ്ട് മറ്റുള്ളവരെ അളക്കാന് വരരുത്, ഗോവിന്ദന്.
Keywords: News, Kerala, Kerala-News, K Sudhakaran, M V Govindan, FB Post, Social Media, Social-Meida-News, Politics-News, K Sudhakaran Against M V Govindan.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
