മുന്‍ രാഷ്ട്രപതി എ.പി.ജെ. അബ്ദുള്‍ കലാമിന്റെ ചിത്രത്തില്‍ മാല ചാര്‍ത്തി; മന്ത്രി വിവാദത്തില്‍

ഹിന്ദു വിശ്വാസപ്രകാരം ജീവിച്ചിരിക്കുന്ന വ്യക്തിയുടെ ഫോട്ടോയില്‍ മാല ചാര്‍ത്തരുതെന്നാണ് നിയമം. മരിച്ചവരുടെ ഫോട്ടോയിലാണ്  ആദരസൂചകമായി  മാല ചാര്‍ത്തുന്നത്. സംഭവം വിവാദമായതോടെ ജീവിച്ചിരിക്കുന്ന വ്യക്തിയുടെ ചിത്രത്തില്‍ മാല ചാര്‍ത്താന്‍ പാടില്ലെന്ന വിവരം സംസ്ഥാനത്തെ വിദ്യാഭ്യാസ മന്ത്രിക്ക് അറിയാന്‍ പാടില്ലേ എന്ന ചോദ്യം ഉയര്‍ന്നിരിക്കുകയാണ്.

ബി.ജെ.പി എം.എല്‍.എ മനീഷ് ജെയ്‌സ്‌വാളിന്റേയും സ്‌കൂള്‍ പ്രിന്‍സിപ്പലിന്റേയും മറ്റ് നിരവധി വ്യക്തികളുടേയും മുന്നിലാണ് സംഭവം നടന്നത്. എന്നാല്‍ തങ്ങള്‍ ജീവിച്ചിരിക്കുന്ന ഒരു വ്യക്തിക്ക് ആദരാഞ്ജലി അര്‍പ്പിക്കുകയാണെന്ന കാര്യം അവിടെ ഉണ്ടായിരുന്നവര്‍ക്കാര്‍ക്കും  മനസിലായില്ലെന്നതാണ് ഞെട്ടിക്കുന്ന വസ്തുത.

അതേസമയം സ്‌കൂളുകളിലും മറ്റും വലിയ നേതാക്കളുടെ ചിത്രം വയ്ക്കാറുണ്ടെന്നും അതില്‍ മാലചാര്‍ത്തുന്നത് അവരോടുള്ള ആദരസൂചകമായാണെന്നും നീര യാദവ് പ്രതികരിച്ചു. എന്നാല്‍ കലാം മഹാനായ ശാസ്ത്രജ്ഞനാണെന്നും അതിനാല്‍ അദ്ദേഹത്തിന്റെ ചിത്രത്തില്‍ മാല ചാര്‍ത്തുന്നതില്‍ തെറ്റില്ലെന്നുമാണ് മന്ത്രിയുടെ പ്രതികരണം.