Minister | ഇന്‍ഡ്യന്‍ ഇന്‍സ്റ്റിറ്റിയൂട് ഓഫ് ഡയബറ്റിസിന് ഗവേഷണത്തില്‍ വലിയ പങ്ക് വഹിക്കാനാകും; കേരളം നേരിടുന്ന ഏറ്റവും വലിയ വെല്ലുവിളിയാണ് ജീവിതശൈലീ രോഗങ്ങളെന്ന് മന്ത്രി വീണാ ജോര്‍ജ്

പ്രമേഹം, രക്താതിമര്‍ദം തുടങ്ങിയവയുള്ളവരെ കണ്ടെത്തി ചികിത്സ ഉറപ്പാക്കാന്‍ ആരോഗ്യ പ്രവര്‍ത്തകര്‍ വീട്ടിലെത്തി സ്‌ക്രീനിംഗ് നടത്തി വരുന്നു. ഇതുവരെ ആകെ 1.49 കോടിയിലധികം പേരുടെ സ്‌ക്രീനിംഗ് പൂര്‍ത്തിയാക്കി. ഇതില്‍ നിലവില്‍ രക്താതിമര്‍ദമുള്ള 16.21 ലക്ഷം പേരുടേയും പ്രമേഹമുള്ള 13.12 ലക്ഷം പേരുടേയും ഇതു രണ്ടുമുള്ള 6.15 ലക്ഷം പേരുടേയും വിവരങ്ങള്‍ ശേഖരിച്ച് പരിശോധനകളും തുടര്‍ ചികിത്സയും ഉറപ്പാക്കി വരുന്നതായും മന്ത്രി വ്യക്തമാക്കി.

രോഗതുരത കുറയ്ക്കുക വളരെ പ്രധാനമാണ്. രോഗമുണ്ടെങ്കില്‍ രോഗ തീവ്രത വര്‍ധിക്കാതെ നോക്കാന്‍ കൃത്യമായി മരുന്നുകള്‍ കഴിക്കേണ്ടതുണ്ട്. രോഗം വരാതെ നോക്കുകയും പ്രധാനമാണ്. വ്യായാമം, പ്രതിരോധം, ചികിത്സ എന്നിവ പ്രധാനമാണ്. ജീവിതശൈലീ രോഗങ്ങള്‍ കുറയ്ക്കാന്‍ ആരോഗ്യ വകുപ്പ് ഒട്ടനേകം പദ്ധതികള്‍ ആവിഷ്‌ക്കരിച്ച് നടപ്പിലാക്കുന്നതായും മന്ത്രി വ്യക്തമാക്കി.

കൗണ്‍സിലര്‍മാരായ ഡിആര്‍ അനില്‍, സുരേഷ്, മെഡികല്‍ കോളജ് പ്രിന്‍സിപല്‍ ഡോ. ലിനറ്റ് മോറിസ്, ആരോഗ്യ വകുപ്പ് ഡെപ്യൂടി ഡയറക്ടര്‍ ഡോ ബിപിന്‍ ഗോപാല്‍, ഇന്‍ഡ്യന്‍ ഇന്‍സ്റ്റിറ്റിയൂട് ഓഫ് ഡയബറ്റീസ് ഡയറക്ടര്‍, ചീഫ് എക്സിക്യൂടീവ് ഓഫീസര്‍ ഡോ ജബ്ബാര്‍ തുടങ്ങിയവര്‍ പങ്കെടുത്തു.

Keywords:  Indian Institute of Diabetes can play a major role in research says Minister Veena George, Thiruvananthapuram, News, Indian Institute of Diabetes, Research, Health, Health Minister, Veena George, Patient, Kerala News.