Dead Body | ഡിവൈഎസ്പി ഇടപെട്ടു: 'വിഷക്കായ കഴിച്ച് ജീവനൊടുക്കിയ' ആഷയുടെ മൃതദേഹം മക്കളെ കാണിക്കാമെന്ന് ഒടുവില്‍ ഭര്‍തൃവീട്ടുകാര്‍ സമ്മതിച്ചു

By Web Desk Pre Jan 20, 2023, 13:17 IST

തൃശൂര്‍: (www.kvartha.com) പാവറട്ടിയില്‍ കഴിഞ്ഞദിവസം വിഷക്കായ കഴിച്ച് ജീവനൊടുക്കിയ ആഷയുടെ മൃതദേഹം മക്കളെ കാണിക്കാമെന്ന് ഒടുവില്‍ ഭര്‍തൃവീട്ടുകാര്‍ സമ്മതിച്ചു. ആഷയുടെ കുടുംബം പൊലീസിനു ഇതുസംബന്ധിച്ച് പരാതി നല്‍കിയിരുന്നു. ഇതിനു പിന്നാലെ കൊടുങ്ങല്ലൂര്‍ ഡിവൈഎസ്പി കുടുംബവുമായി ചര്‍ച നടത്തിയിരുന്നു.

Dead Body | ഡിവൈഎസ്പി ഇടപെട്ടു: 'വിഷക്കായ കഴിച്ച് ജീവനൊടുക്കിയ' ആഷയുടെ മൃതദേഹം മക്കളെ കാണിക്കാമെന്ന് ഒടുവില്‍ ഭര്‍തൃവീട്ടുകാര്‍ സമ്മതിച്ചു

ഇതേത്തുടര്‍ന്നാണ് തീരുമാനമുണ്ടായത്. പത്തും നാലും വയസുള്ള കുട്ടികളെ മൃതദേഹം കാണാന്‍ കൊണ്ടുവരില്ലെന്നായിരുന്നു ഭര്‍തൃവീട്ടുകാര്‍ ആദ്യമെടുത്ത നിലപാട്. കേണപേക്ഷിച്ചിട്ടും ഭര്‍ത്താവ് സന്തോഷിന്റെ കുടുംബം വഴങ്ങുന്നില്ലെന്ന് ആഷയുടെ കുടുംബം പറഞ്ഞിരുന്നു. ഭര്‍തൃവീട്ടിലെ പീഡനംമൂലം ആഷ വിഷക്കായ കഴിച്ച് ജീവനൊടുക്കുകയായിരുന്നുവെന്നാണ് ആരോപണം. അതേസമയം, മൃതദേഹം കാണിച്ചശേഷം കുട്ടികളെ തിരികെ കൊണ്ടുപോകുമെന്നാണ് ധാരണ.

പാവറട്ടി കവര വേലുക്കുട്ടിയുടെയും വത്സലയുടെയും മകളായ ആഷയെ, ഈ മാസം 12നാണ് ഭര്‍തൃഗൃഹത്തില്‍ വച്ച് വിഷക്കായ കഴിച്ച് അവശയായ നിലയില്‍ തൃശൂര്‍ ജൂബിലി മിഷന്‍ മെഡികല്‍ കോളജ് ആശുപത്രിയിലെ തീവ്ര പരിചരണ വിഭാഗത്തില്‍ പ്രവേശിപ്പിച്ചത്. ചികിത്സയ്ക്കിടെ വ്യാഴാഴ്ച ഉച്ചയോടെ മരിച്ചു. സഞ്ജയ്, ശ്രീറാം എന്നിവരാണ് മക്കള്‍. 12 വര്‍ഷമായി സന്തോഷും ആഷയും തമ്മില്‍ വിവാഹിതരായിട്ട്.

Keywords: Husband's finally agrees to show Asha's dead body to her children, Thrissur, News, Police, Dead Body, Suicide, Meeting, Kerala.

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

Featured

Recommended