Treatment | കൈമുട്ടുകളും കാല്‍മുട്ടുകളും കറുത്തിരിക്കുന്നോ? വിഷമിക്കേണ്ട, പരിഹാരമുണ്ട്; വീട്ടില്‍ നിന്നും തന്നെ പരീക്ഷിക്കാവുന്ന ചില ലഘുവൈദ്യങ്ങള്‍ ഇതാ!

 


കൈമുട്ടിന്റെ കറുപ്പ് ഇല്ലാതാക്കാനുള്ള മാര്‍ഗങ്ങള്‍:

*തുല്യ അളവില്‍ പഞ്ചസാരയും ഒലിവ് ഓയിലും മിക്‌സ് ചെയ്ത് കൈമുട്ടുകളില്‍ ഉരയ്ക്കുന്നത് നല്ലതാണ്. അഞ്ചു മിനിറ്റു നേരം മൃദുവായി സ്‌ക്രബ് ചെയ്തതിന് ശേഷം കഴുകി കളയാം. ആഴ്ചയിലൊരിക്കല്‍ ഇത്തരത്തില്‍ ചെയ്യുന്നത് ഉത്തമമാണ്.

* ഗ്ലിസറിനും പനിനീരും സമംചേര്‍ത്ത് രാത്രി കിടക്കും മുന്‍പ് കൈമുട്ടുകളില്‍ പുരട്ടി, രാവിലെ കഴുകിക്കളഞ്ഞാലും ഇ...

*കൈമുട്ടുകള്‍ മനോഹരമാക്കാന്‍ പാല് നല്ലൊരും പോംവഴിയാണ്. ഇളംചൂടുള്ള പാല്‍ മുട്ടുകളില്‍ പുരട്ടി തടവിയാല്‍ സ്വാഭാവിക നിറം ലഭിക്കും. മഞ്ഞള്‍, തേന്‍, പാല്‍ എന്നിവ ചേര്‍ത്ത് പേസ്റ്റാക്കി പുരട്ടുന്നതും നല്ലതാണ്.

*കറ്റാര്‍വാഴ തേന്‍ എന്നിവ കലര്‍ത്തി പുരട്ടുന്നതും ഫലം ചെയ്യും.

*ചെറുനാരങ്ങ നീര് കൈമുട്ടിന്റെ കറുപ്പ് ഇല്ലതാക്കാനുള്ള മികച്ച വഴിയാണ്. ചെറുനാരങ്ങാനീര് പുരട്ടുന്നതിനുമുന്‍പ് മോയിചറൈസര്‍ പുരട്ടുക.

*കടലമാവും തൈരും കലര്‍ത്തി പുരട്ടുന്നത് മറ്റൊരു മാര്‍ഗമാണ്.

*പുതിനയില അരച്ചത് കൈമുട്ടില്‍ പുരട്ടിയാല്‍ കറുപ്പ് കുറയ്ക്കാന്‍ സഹായിക്കും

*പുതിനയില വെള്ളത്തിലിട്ട് തിളപ്പിക്കുക. ഇതില്‍ അല്‍പം ചെറുനാരങ്ങ നീരും ചേര്‍ക്കുക. ഇത് കൈമുട്ടില്‍ പുരട്ടാം. അല്‍പനേരം കഴിഞ്ഞ് ചൂടുവെള്ളത്തില്‍ കഴുകി കളയാം.

*കൈമുട്ടുകളിലെ ഇരുണ്ട നിറം മാറാന്‍ ബദാം പരിപ്പ് പച്ച പാലില്‍ അരച്ചുപുരട്ടുന്നതും നല്ലതാണ്. രണ്ടാഴ്ച സ്ഥിരമായി ചെയ്താല്‍ പ്രകടമായ വ്യത്യാസം കാണാം.

*വിനാഗിരിയില്‍ മുക്കിയ പഞ്ഞികൊണ്ട് കൈമുട്ടുകള്‍ കൂടെക്കൂടെ തടവുന്നതും കറുപ്പുനിറം മാറി കൈമുട്ടുകള്‍ മൃദുവാകാന്‍ സഹായിക്കും.

*നാരങ്ങയ്ക്ക് ബ്ലീചിങ് ഇഫക്ട് ഉണ്ട്. അതിനാല്‍ നാരങ്ങാ മുറിച്ച് കൈമുട്ടുകളില്‍ ഉരസിയാല്‍ കറുപ്പുനിറം അകലും. ഒരു ടേബിള്‍സ്പൂണ്‍ ചീവയ്ക്കാ പൊടിയില്‍ ഒരു നാരങ്ങാ പിഴിഞ്ഞൊഴിച്ചു കുഴമ്പാക്കി കൈമുട്ടുകളില്‍ പുരട്ടുന്നതും ഗുണം ചെയ്യും.

*സോഡയും പാലും ചേര്‍ത്ത് പുരട്ടാം.

*വെളിച്ചെണ്ണയും ചെറുനാരങ്ങാനീരും കലര്‍ത്തി കൈമുട്ടില്‍ പുരട്ടാം.

*രക്തചന്ദനം, രാമച്ചം ഇവ അരച്ച് കൈകളില്‍ പുരട്ടുന്നതും നല്ലതാണ്.

Keywords: How To Prevent and Treat Dark Knees And Elbows, Kochi, News, Dark Knees And Elbows, Treatment, Health Tips, Health, Warning, Milk, Kerala News.